عندي مشكلة بسيطة بس في عيني كبيرة

وبصورة مختصرة..

كان خطيبي متعلق فيا "لنا سنة خطوبة" دايما يطلب مني ادخل المسن عشان ندردش .. ومسجات.. ودنيا
ودايما يطلب مني اننا ننتقل للمرحلة التانية" التلفون" .. لكن انا حابة التلفون بعد الملكة !! كتغييير ..

المشكلة
هذا الترم انا مرة مضغوطة في الجامعة .. فهوا عامل انو مراعيني ما صار يقولي ندخل ندردش على المسن .. يخاف يشغلني عن دراستي واعمالي !

لكن انا بجد محتاجة اتكلم معاه زي اول .. لكن كل ما الاقي وقت و اطلب منو يدخل المسن " مرة مرتين كل شهر" يكون برى البيت مع اصحابو
وهذا صار كم مرة
وحبيت اسوي زعلانة .. ما ارسلتلو مسج كالعادة
فهوا صار يعاملني بالمثل ما يرسل مرة .. ويقول انو هوا كمان مضغوط في العمل .. لكن لاصحابو فاضي!!
وانا مني حابة اتنازل هذه المرة وابدأ اسأل عنو .. من اسبوع منقطعين عن بعض..

ابى من كل شاب يقولي بأيش يفكر خطيبي
واذا دحين ما اتنازل وسأل عني متى راح اتغلى و يجيني..

اخاف ابدأ بالسؤال بس ما اباه يتعود على هذه الطريقة
اباه يعرف انو هذا ما يجيي معايا

حيوصلو هذا المسج؟؟

من دحين يبى يربيني ؟؟؟؟؟؟