خلطة للعروس
خلطه جديده ستجدوا نتائج تحفة لاتنسوا تدعو للبنت
الخلطة هذي والله العظيم سر من اسرار نساء اسوان بيستخدموها للعرايس وشوفى الجسم اللى بيلمع
المنور واللون الموحد ووالله العظيم البياض تلاقوا الواحدة قبل الفرح سمرا ويوم الفرح لمبة
المهم لاتتكاسلوا المكونات بسيطة ورخيصة و الصيف على الابواب قصدى افراح الصيف وهيا يابنات
المنتدى الحلوين يستعدوا وربنا يخليكم اجمل النساء فى عين ازواجكم يارب والمتزوجين
طبيعى من البيت خلى زوجك ياروح الشغل واهتمى بنفسك كدة هيا جربوا وانا معاكم
المكونات
1كوب ارز مطحون اى رز واطحنية كويس مثل البودرة طبعا هذي حاجة عادية رخيصة وسهلة واللى بتكسل تروح
لاى عطار وتعطيه كيلو رز وتقولة اطحنة بيطحنة بجنية والرز مش للخلطة هذي بس فى ماسك بشع من الرز
ابقوا فكرونى اكتبة يعنى الكيلو هنستفاد بية احلى استفادة
نص كوب طحينة اى نوع طحينة سايبة الرشيدى او الكيس اى نوع
عصير 2 لمونة
نص كوب زيت زيتون
الطريقة
تخلط المكونات جيدا مع بعض ولو حسيتى الخلطة تقيلة زودى الزيت علشان كل واحد بيحب السماكة بتاعة
الخلطة مختلفة عن التانى المهم تخلطيها كويس وتوضع على كامل الجسم ساعتين لغاية ما تنشف
وافركى قطعة قطعة بطريقة دائرية مع عقارب الساعة انا بصراحة بستخدم الليفة المغربى فى الفرك وانا
شرحتلكم طريقة سهلة لعمل الليفة فى البيت المهم افركى وبعدين اشطفى جسمك واتفرجى بنات اللى
تجرب وعارفة انها هتنبسط لاتنسى تدعي لي
الاشراف:
يجب الابتعاد عن اللهجات المحلية
التعديل الأخير تم بواسطة روح الغالي ; 26-04-2007 الساعة 06:21 PM