حائره وخايفه أحتاج لمشورتكم ,,,,
السلام عليكم
اتمنى من الجميع أن يبدي رأيه في الموضوع الذي سأكتبه لأني بسببه لم أنم بالأمس .....
قبل ستة أشهر جاء شخص لخطبتي في البدايه ارسل امه وأخواته ليتحدثوا في الموضوع وطلبوا من أهلي أن يسألوا عن الشاب وعن أخلاقياته وكان والدي للأسف بارد في تصرفه مع الموضوع حيث انها مرت فترة شهر ونصف لم يحرك ساكن وأمي لم تحثه على السؤال وعندما أتى أخي الاكبر قلت لامي لن تقول له ان يأخذ الوالد ويذهبوا لسؤال عنه واتى والدي وهو مسرور لانه اسعدته المعلومات اللي وصلته عن الشاب الى هنا ليس هناك مشاكل ....
أين المشكله ؟؟؟
المشكله انه بعد الفتره الطويله هذي اخيرا الوالد قال الله يحييكم لكن جاء رد والدته ان اخوانه رفضوا الموضوع لانها ليست من العائله واتمنى لها التوفيق مع العلم ان امه واخواته جدا مسرورين مني انا جا في بالي ان يمكن عشان الوالد جلس الفتره الطويله هذي مارد عليهم ان الوالد رافض عشان كذا يمكن خطبوا وحده ثانيه صحيح اني حزنت وتألمت لكن قلت في نفسي يمكن خير لي وانا ما ادري ونسيت الموضوع ... ولكن امس اتتني اخته الى مقر عملي وتقول فلان مازال عند رأيه وانه يبغاك والمشكله ما كانت من اخواني الاشقاء كانت من اخي من ابي هو اللي عمل فيها مشكله وقال لا بدون اي اسباب او مبررات وعشان ما يتسببون ليه في مشاكل قالوا هذا الكلام الين هدأت الامور ولأن الشاب انه يطلع اخوه هذا بدون اي مقدمات يمنع زواجه وهو اصلا ما يسأل عنهم فمجرد كان يبغى يفرض رأيه ,,,, وحلفت لي اخته انه من هذاك اليوم ونحنا نقوله خذ فلانه او تزوج فلانه وهو رافض الموضوع اول انا كنت افكر انه تبع لاخوانه اذا قالوله شي سواه لكن اكتشفت الان انه بس يبغى يهدي الامور ويتفاهم معاهم بالطيب اذا ما ارضيوا راح يجيب رحيمه ويجي وتقول دام نحنا اخواته وامه مقتنعين بك ونبغاك ما يهمون اخوانه لان كل واحد متزوج من البنت اللي يبغاها وما احد عرضهم في شي واحد من اخوانه المعارضين متزوج سوريه ولا احد قاله شي ...
المكشله المهمه الحين موقف اهلي كيف راح تكون ردة فعل الوالد لو جا وخطب مره ثانيه هل راح يوافق او راح يعتبر اللي صار اول شي جارح لكرامته مع انه هو كمان غلط وتأخر كثير في الرد لان الولد في نفس المدينه ثاني شي الشركه اللي يشتغل فيها قريبه منا وثالثا ابويه ما اعطاهم فتره محدده للسؤال
كلمت وحده من البنات تقول انتي مو لعبه متى ماجا على باله تركك ومتى ما حس انه يبغاك يرجع
انا حسيت من كلام اخته انه عشاني ممكن يسوي اي شي حتى فرضا لو تم الموضوع بيتسلف عشاني عشان يتمم المناسبه لكن موقف امي والوالد اخاف ابويه يقوله لا عشان يرد كرامته بس لا اكثر ولا اقل وانا محتاره اوافق والا لا لو سألوني عن راي ,,,
لو احد في مكان الوالد وصار معاه هذا الموضوع ايش ممكن تكون ردة فعله ,,, انتم ايش رايكم ؟
من جد محتاره وخايفه وقلقانه مشاعر كثير مختلطه بداخلي مو لاقيه لها اجابه ,,,
ارجوكم كل من وجد لديه الرأي مهما كان يقوله ابغى اعرف وجهات نظركم
المعذره على الاطاله
20-03-2007, 08:37 PM
ضوابط المشاركة
العرض الشجري