السلام عليكم ورحمة الله وبركاته
اللي عنده حل او تفسير عن تصرفات زوجي لا يبخل علي
اولا كأنه وضع على نفسه قوانين
1ممنوع الابتسامه في وجه الزوجه
2ممنوع الكلام معها او حتى الدردشه في سوالف الدنيا
3التذمر منها في كل زمان ومكان
وقسم بالله بدون مبالغه ما يضحك وياي ابد ولو تشوفونه مع الغير شلون يضحك ويسولف ما تقولون هو اللي وياي في البيت ،،ومن قدومه افتح اي موضوع عشان اسولف معاه يقولي اسكتي مو وقت سوالف كل وقت لا تقولون لي اختاري الوقت المناسب ما في وقت مناسب عنده كل الاوقات يقولي قومي عني مو وقت سوالف والله تمللت من هذا الوضع ولين اقوله يسكت عني ،اقوله اذا انت متملل مني قولي انت مو مغصوب علي ،نفسيتي جدا تعبانه محد يحب يقعد مع احد ويحس انه مكروه والله العظيم اني مو مقصره وياه في شي كل شي قايمه فيه وفي عياله بس مادري شفيه علي