ياناس تعبت ( برود الأهل في موضوع المتقدمين لخطبتي )
السلام عليكم ورحمة الله وبركاته
أخواني أخواتي من جد محتاجه وقفتكم محتاجه احد يسمعني يفهمني لاني خلاص ماعاد فيني على
حمل الهم ... اعاني مشكله مع اهلي الا وهيه اوقات احس انهم ما يهتموا نهائيا بارتباطي باي شخص مو
مثل اي اهل خاصة الوالد تقدم لي شخص جات امه واخواته وانبسطوا كثير قام الوالد قال نسال عن الولد ونرد عليكم طبعا من حقه ودام هوه في نفس المدينه الموضوع ما ياخذ اكثر من اسبوعين واحس ان الوالد اخذ الموضوع بكل برود عدا الشهر الاول وجا الشهر الثاني ولا حرك ساكن وامي نفس الشي وانا صراحه ما باتجرأ واقول روح اسال المهم اتصلت اخته تسال امي عن قرارهم قالت امي والله لسا الابو ما سال بس نرد قريب وفي الاخير راح مقر عمل الولد وسال وعرف انه رجال خلوق ومتدين ومديره جلس يمدح فيه يقول والله لو عندي بنت كان زوجتها له طبعا رجع الوالد وقال لامي اتصللي عليهم وقوليلهم يجون لكن بعد شهرين احد يجلس يسال عن شاب شهرين لو انه في مدينه ثانيه كان عديناها لكن في نفس المدينه طبعا ردت عليها امه ان الولد خطب والله يوفق البنت من جد حسيت بغصه في قلبي وعدم اهتمام منهم المهم عدت السالفه وقلت يمكن خيره راحت الايام واتصلت وحده على الوالده وقالت انه في وحده تبغى تخطب بنتك المهم طبعا امي نفس الحكايه ما حسيت انه عندها هذاك الاهتمام ونفس الشي الحرمه مارجعت سالت لمن ما شافت انه مافيه رد وانا سااااااااااكته ,,, ماعلقت ولا قلت شي وانا متحمله وساكته يكفي عدم اهتمامهم فيه طول السنين لا في دراستي ولا تخرجي ولا حتى وظيفتي يجون في شي مهم وحساس كمان يتهاونون فيه مو معقوله حتى وحده من زميلاتي كانت بتموت وتبغاني لاخوها واخوها مو بس اخوها هذا اخوانها بصفه عامه رائعين ماشاء الله دين واخلاق ويكفي انهم طيبين مع اهلهم واخواتهم وتم رفضه بحجة انه مو قبيلي مع انه ما احس انه سبب لان الرسول قال بما معنى الحديث اذا جائكم من ترضون دينه وخلقه فزوجوه ما قال نسبه واصله من جد حسيت اني منبوذه الاهل يفرحون لا جا الرجل اللي ينشهد له بالاخلاق واهلي طنااااااااش والله ماهمهم ,,,, كثير ناس في مقر عملي يسالون الموظفات عني ولو قلت لامي عن وحده شافتني في المعهد وسالت عني تسكت ما تتكلم احس وقتها اني مو محط اهتمام مع ان كثييييييير ناس يهتمون لامري والله مو مدح في نفسي لكن من فضل الله ان الكل يشهد لي بالاخلاق والجمال لكن ما ادري ايش مشكلة اهلي لما شفتهم بهذي الطريقه تصرفت تصرف ما ادري هوه صح هوه غلط والله ما ادري لكن من القهر اللي فيني ما ادري هم وش يبغون اعنس والا ايش ثانيا يمارسون عليه ضغوط بالكلام والله انها تجلط المهم دخلت على احد مواقع الزواج تقريبا اعتبره موثوق فيه ودخلت وماليه الا اسبوعين الفكره اني الاقي الانسان المناسب اللي يفهم وضعي ويقدره والان فيه شخصين وكل شخص جاد اكثر من الثاني وكل واحد حاب يرسل اهله طبعا هم من نفس مدينتي لا تقولون ايش اللي خلاك تتصرفين هذا التصرف كله اللي قلته وشرحته كان سبب والسبب الادهى والامر اللي من جد خلاني انفجر انه وحده طلبت من جاره عزيزه على امي انها تكلمني عن ولدها لانها تبغاني له والولد خلوق تخيلوا ليش امي رفضته لانه من مدينه امي مو حابتها عاد وش رايكم في السبب امنتكم بالله مو شي يحرق الدم عشان كذا دخلت الموقع لعل الله يخرجني من الهم اللي انا فيه ومن الحياة اللي انا عايشتها والاقي شخص يقدرني ويفهمني ويقدر يتحمل تصرفاتهم الين نرتبط لان الناس على بالهم اني انا اللي رافضه مادروا ان المشكله في اهلي ,,,,, قولولي ايش اسوي من جد تعبانه بشكل ما احد يتخيله امس مانمت من مشكله صارت ويوم رجعت من عملي حطت امي حرتها فيه واليوم جيت الدوام وانا شكلي جدا تعبان والمفروض اني ارجع البيت ومارجعت جلست في الدوام لان دوامي فترتين ما ابغى اتكلم مع احد ولا عندي استعداد ارجع البيت اتناقش مع احد واكتب الحين وانا ابكي وحالتي بالهم قولولي ايش اسوي طبعا لا تقولون اذا لك اخوان كبار كلميهم انا اعتمد على الغرب ما اعتمد على اخواني بالمختصر المفيد كل واحد عايش حياته ولا هم دارين عن شي ,,, انا في حالة انفجار وغضب والله لدرجة اني الان احاول اتنفس لكن بصعوبه مدري ايش اسوي وكيف اتصرف من جد محتااااااااااااااااااره ....
تم تعديل العنوان ليتناسب مع المضمون / الاشراف ..
التعديل الأخير تم بواسطة مــريم ; 28-02-2007 الساعة 05:27 PM
28-02-2007, 04:15 PM
ضوابط المشاركة
العرض الشجري