السلام عليكم ورحمة الله وبركاته
اعضاء منتدى عالم الحياة الزوجية الرائع
اتمنى تساعدوني في مشكلتي انا كتبت قبل خمس شهور موضوع مشكلتي مع زوجي
والمشكلة باختصار عن الصور الجنسية وصور النساء العاريات اللي كان يشوفهم زوجي بالانترنت
والحمد الله انحلت المشكلة من هذاك الوقت
بس مع الاسف ما بين فترة والثانية الاحظ زوجي يدخل المواقع هذي بس قليل جدا ويسكرها ما يطول
بس مشكلتي اليوم ان زوجي احس تصرفاته غريبة يعني اذا جاء من الدوام وشافني مبسوطه
ولابسه احسن لبس وطابخه احسن طبخ يطنشني ويعاملني ببرود ورسمية حتى لو كان مبسوط
ويروح لانترنت واحيانا يقعد يتفرج على هذيك المواقع بعكس لما اكون معصبة وطفشانه او قاعده ابكي
او ما طبخت حتى اكون مهمله في نفسي في الوقت هذا يعاملني احسن معاملة ويسمعني
احلى كلام واحس كلامه طالع من قلبه يعني ما يجامل ويهتم فيني ويدلعني وعلى فكرة
حتى في العلاقة بينا يسوي كذا يعني اذا لابسه ومتعطره يبعد عني حتى اذا جاء ينام يعطيني
ظهره وبعكس لما اكون ما اهتميت يعني لبس عادي ولا عطر يلصق فيني
والله احترت مع الرجال هذا ما ادري وش اللي يبغاه بالضبط ؟
واتكلمت معه بالموضوع هذا وللاسف ما نتوصل لشي
اتمنى انكم تساعدوني حتى القى معاه حل