أهلين أخي فاغر ،، و بواضيعك الجميله اللي فعلاً بتفغر أفواهنا

أولاً ،، ربنا يخليك لأم الفواغر و يخليها لك ... آمين

عن نفسي انخطبت لخطيبي من غير ما أشوفه و لا كنت أعرف قبل كده ، بعض الأقارب توسطوا ما بينا و نظراً لظروف سفره كان التعارف ما بينا عن طريق الشات >>>> عرسان آخر زمن

أما عن أول مرة أشوفه فيها فكانت بعد سنه كاملة من الخطوبة ،، و كنت مكسوفة فيها جداً جداً و هو كمان كان مكسوف و كان معانا والدته و والدتي و أخواتنا ... و من الكسوف جاتلي كريزة ضحك مستمر مش كنت عارفه أوقفه ، و لما شفته مش قدرت إني أرفع عيني فيه نهائياً و بدأت عيني تدمع من الكسوف و افتكروني متدايقه و اتصدمت لما شفته و خلاص مش موافقه عليه ،،

و جت مامته عملت حركة حموات كانت مفقوسة ، ، و قالتلي عاوزة أشرب ممكن تجيبيلي ميه ؟؟؟ طبعاً قمت لكن من كسوفي كنت هقع لولا أمي الله يكرمها لحقتني

طبعاً كنا مرتبكييييييييييييييين جداً جداً قاللي كام كلمه حلوين من اللي قلبك يحبهم و قعدنا شوية و مشي طبعاً بعدها قعدنا نعلق على الموضوع و كلهم يقولوا شفته عينه ، شفته ودانه (انت عارف بقه الكلام ده )،، و يسألوني فاكتشفت إني مش بصيت عليه و لا شفته نهائياً

فعلاً كانت من أسعد لحظات حياتي ،،،، شكراً على الموضوع الجميل اللي بيرجعنا لذكريات جميله