بسم الله الرحمن الرحيم
السلام عليكم ورحمة الله وبركاته،،،،
بصرااحه انا محتاره في موضوع واتمنى منكم المساعده والرد كعادتكم
في البداية انا اشكر ربي على النعم ومنها زوجي الحبيب...فهو اطيب واحن واحسن زوج في العالم
ما شاء الله والله يحفظه يارب ويرزق كل بنت ما تزوجت زوج مثل زوجي واحسن آآآآآآآآمين
الموضوع هو ان زوجي رومنسي لابعد الحدود وانا مثله لكن الجرعه عنده زايده شوي..كل فترة وفترة
يفاجئني بهدايا ومفاجآت واحيانا لما افاجأه بليلة رومانسية يردها لي بأروع واحلى مني..
ومن الحركات اللي تعود عليها زوجي هو ارسال باقة ورد كل شهر او كل شهرين لمكان عملي او يرسل
كعكة مع بطاقة ، او هديه بسيطة ، وبصرااحه انا اللي بديت اطبق هالفكرة وهو عجبته الفكرة وقام يطبقها
بين فترة وفترة....وصدقوني ما اقدر اوصف سعادتي في لحظتها مع شعور الفخر والحب الكبير..
بس المشكلة ان زميلاتي في العمل متزوجات ولكن ازواجهن لا يدلعونهن ذلك التدليع ولا يفعلون ما يفعله
زوجي لي...وانا لا اذكر لهن ما يدور بيني وزوجي ولكن يرون الباقات والهدايا والدلع فأحس انهن يغرن مني
وانا خايفه من الحسد او العين وهذا حق طبعا...والحين ابي اقول لزوجي انه يمتنع من ارسال الهدايا
والباقات للدوام ولكن خايفه انه يفهم اني مليت او متضايقه ، خاصة زوجي حساس ويفرح اكثر مني
بارسال الهدايا وغيرها ، فما ابي افسد عليه فرحته ، وحتى لو كنا بين ضيوف وهو مع الرجال يرسل لي
مسج حب وغرام وشوق ومدح ، والاحظ الكل يحسدني عليه طبعا الاحظ ذلك من كلامهم وهمساتهم..
التصرفات اللي تظهر منه طبيعية وعفويه لكن كيف اقول له لا تظهر الحب امام الناس ؟
ارشدوني كيف اوصل له فكرة خوفي من العين والحسد بدون لا اجرحه او ازعله؟؟ ولكم كل الشكر والتقدير
اختكم----- لمني بشوق
07-02-2007, 12:23 PM
![الصورة الرمزية ][ لمني بشوق ][](image.php?u=227959&dateline=1264194203)
![][ لمني بشوق ][ غير متصل](traidnt-6nn-old/img/statusicon/user_offline.gif)
ضوابط المشاركة
العرض الشجري