الأخت الحبيبة سارّة...

الله لايغير بقوم حتى يغيروا مابأنفسهم

غيري تفكيرك وجهيه ناحية زوجكـ بالكاملـ
بعدين اذا بتقارن كلـ وحدة زوجها بغيرها ولا زوجة بترضى بزوجها

وخاصة انها ماراح تشوف الا المحاسن

انا عندكـ لو بفكر بأزواج اللي حولي بقولـ ياحظهم بس شوي ارجع للواقع واقول اكيد في ازواجهن شي مستحيل بيعجبني بس انا مااعرفه
واذا تبغين تحبين زوجكـ تحببي له فالتحبب داعية للحب
دايما فكري فيه
اقري عن طرق تقدرين فيها تسعدينه
سويله الاشياء الحلوه
تخيلي انكـ تحبينه وقوليله عبارات حلوة
دايما تذكري افضاله وكرريها في نفسكـ
لاتركزين ابدا على اللي موعندكـ
ولاتسمحين لنفسك تقولين لابينك وبين نفسكـ ولا في اي مكان انك مااقتنعتي فيه
واذا حصل وحسيتي بغيرة من قريبتك لما تتكلم عنه اوبحسرة في نفسكـ
لاتسمحين لنفسكـ وتفكرين بها المشاعر اول ماتجيكـ اطرديها من بالك بأنكـ تحطين في راسكـ فكرة انه اكيد هو فيه صفات ماراح تعجبكت بس ماتعرفينها

وشيلي تماما من راسكـ انه لازم زوجكـ يصير زي ماتبغين مستحيل طرتي ولا وقعتي

هذا مجرد زوج تصاحبينه في الدنيا مو لازم يكون كل شي فيه يعجبك

ولا راح تلقين الرجل اللي يفهمك ويعجبكـ الرجال غير النساء تماما اقري كتب عن اختلاف النساء والرجال وراح تفهمين قصدي
واذا مسموح اكتب اسم كتاب هنا قريته اقنعني بأني مستحيل القى رجل زي ماابغى بس في نفس الوقت فهمت انهم يختلفون عنا وفهمت سبب اختلافهم وتقبلت وعذرت زوجي في كثير من الاشياء اللي كنت مستميته ابغى اطلعها فيه بالغصب!
ونقطة مهمة غيري تفكير اهلك عن زوجكـ
دايما اذكري محاسنه عندهم اي شي حلو يسويه لك علميهم به
خليهم غصب عنهم يعجبون فيه
امدحيه عند كل احد يسألك عنه
حطيه فوق راسك
اقنعي نفسك بانه احلا شي صار لك في حياتك

واذا لزم الامر ابعدي عنه فترة كم يوم وارجعيله وحاولي تقنعين نفسك بأنك فقدتيه واشتقتي له

وآخيرا

تخيلي انه فعلا وقع الطلاق وطلقك

هل بيرضى الخطيب الاول يتزوجك وهل بترضين تصيرين ذرة بنت خالتكـ؟؟

هل بيرضون اهلك واللي حواليك؟
كيف نظرتهم بتكون لك؟؟

وعلى فرض انك ماتزوجتيه وانتظرتي غيره اكيد بتكونين

اما زوجة ثانيه
او زوجة واحد مطلق او ارمل بأطفال
او مطلقة طول حياتك

فأيهم احسن بقاءكـ مع زوجكـ اللي يحبكـ
مع محاولة انكـ تحبينه

او الخيارات السابقة

باختصار شيلي الموضوع من راسك واقتنعي بقردك لايجيك الاقرد منه زي ماقالوا

واذا حاسة بيجيك اكتئاب كل يوم ولمدة عشرين يوم عددي تسع من نعم ربي اللي انعمها عليك وتأمليها

وان شاء الله اكون نفعتك بشي

واعذروني لعاميتي ماانتبهت اني اكتب عامي الا يوم خلصت!