مشكلتي انا مع زوجتي هي كالتالي :
انا متزوج منذ ثلاث سنوات تقريبا وعندي طفله عمرها 8 شهور ، المشكلة في زوجتي انها ما تقوم بأعمال البيت الا بعد معاناة ، وخاصة اعمال الطبخ والأكل ، هل يعقل يا أخوان اكلنا بشكل دايم في المطاعم !!! وهذا المطبخ ابد ما تدخله ولا تدري ايش موجود بالثلاجة الا في المناسبات !!
مشكلتها انها دايما تنام وتحب وتقدس شي اسمه نوم ، اجي من دوامي الاقيها نايمه والغدا انسا موضوعه اذا ما جبت معي الغدا من بره انسا اني اتغدى وان طارت الامور وقامت من النوم حدها تقول ( اسويلك سندويش ؟!! ) تخيلو اتغدا على سندوشات !!!

ياما حاولت معها انها تطبخ من يوم ما تزوجنا وبكل الطرق والوسائل بالطيبه والشده والتهزيء واحاول اقارنها بحريم اخواني الكبار واقولها شوفي كيف هم ماشاء الله نشيطين ، احاول بكل الطرق ومافي فايده !!!
توعدني وكل وعدها كذب في كذب ، من جد يأست ، مع كل هذا عمري ما مديت يدي عليها او ضربتها ، بالعكس اجيها بأسلوب هادي ومرات بالصراخ بس بالكلام .واي شي تبغاه اجيبه لها ، ووهي مو زعلانه مني بس هذا طبعها الكسل !! تكره المطبخ مع انو امها عكس كذا تماما ،

وأوقات في بعض المرات لما تطبخ شي اشجعها واجيبلها هديه حتا يكون لها حافز بس في السنتين الاخيره ما في فايده . مع العلم انها تعرف تطبخ يعني مو غشيمه واكلها ما عليه اعتبره ممناز ، وانا راضي بأي شي بس ودي بأكل البيت طفشت من المطاعم يا ناس !!!
وانا مو بامكاني اني اجيب خدامه ، ولا احب اصلا وجودها بالبيت .
قولولي وش اسوي معها ؟؟؟ اتركها بالجوع واصير اكل لوحدي بره ، وهي بكيفها تدبر نفسها . او اضربها واخليها تتطبخ بالغصب .
بصراحه انا احسد الرجال اللي يقولو انا زوجتي ما اشم عليها الا ريحة البصل والثوم ، ودي في يوم اشم ريحة البصل والثوم عليها ،
المشكله لو انها كسوله في شغلة المطبخ بس ونشيطه بشي ثاني كان ما عليه ، المشكله انهاتموت بالنوم مووووت ، ولا هي عندها شغل نهائيا
ولا هي مريضه ولا هي سمينه و جسمها عادي ، وانا بعد .


ياليت تلاقولي حل