ياخي وش هالوظيفه اللي ماخذه كل يومك ومانعتك تشتغل باي مكان ثاني وبالاخير الفين وسبعمية ريال!!

وحتى مافيه بدل سكن ؟!! ياخي صحيح ما معاك شهادة بس احس انك تستحق افضل من هالوضع يعني اقلها يصرفون لك بدل سكن او بدل نقل او اي شي..

اذا حصلت وظيفه ثانيه غيرها يكون افضل والزواج بصراحه ضروري يتأجل الواحد مايدخل شي وهو مو قده ومب عارف وش بيصيرله..

واذا اصرو على الزواج خذ مهرك ودور غيرها يحق لك ارجاع المهر طبعا لاني اشوفها مب مقدرة وضعك بالمرة طالبه منك مهر كبير وشارطة بيت لحالها ومركبه عليك الديون وهي مابعد اخذتك!

يعني انت تحتاج حده متفهمه وصبورة عشان اوضاعك الماديه يعني هذي اذا تزوجت بتتحمل تتقشف وتكتفي ب 300 ريال بالشهر؟ ما ظن مع اني لا اعلم لكن هذا الواضح يعني حرام 1000 ريال بالشهر تندفع اجار وبعدين ماتلقون وش تاكلون؟؟

شي غريب ان الشخص يوفر السكن بدون مايوفر الاكل والشرب ياخي 300 ريال ماتوكلك حليب وخبز بكرا بتجيب لك طفل بعد ولا طفلين ويالله ورني هالثلاثميه وشلون بتجيب لك حليب وحفايظ..

انا ماودي اضيق صدرك بس ابيك تفتح عيونك قبل تتورط بكرا بتقعد كل شهر تتسلف من هنا وهنا عشان تدبر امورك الي تلقا نفسك غرقت..

ضروري تأجل الزواج لين تنهي ديونك وتحاول تلقا سكن ارخص او تدبر امورك من هنا ولا هنا يعني زي ما دلوك الاخوان على الامور التجاريه اللي ما تحتاج راس مال..

وما انصحك ابدا تزج نفسك بهالزواج معتمد على معجزة او قدرة الهيه تنقذك لازم تجهز نفسك مضبوط قبل الدخول بالقفص الذهبي..

لا تنسا ان بداية الزواج المفروض هي فترة توفير عشان بكرا اذا جاك عيال يكون وضعك مرتب ومستعد لاستقبالهم..