الله يعينك على الهجمة النسائية اللي بتسير عليك
بس اللي اضحكني في موضوعك ابو فيصل هالجملة
(
انا الحين ما اقدر امشي مع واحد 3 اشهر الا ومعطيه طناش لاني طفشت منه فما بالك بوحدة اعيش معها العمر كله )
مدري كيف قارنت بين واحد وبين زوجتك
يمكن ما انتبهت للفروقات
طيب يا سي السيد خلينا اوضح لك (بعض) الفروقات بين (الواحد) وبين زوجتك
اول هام
الواحد مذكر
وزوجتك مؤنث
والله خلق الأنثى ليسكن إليها الزوج يعني بينهم مودة ورحمة وهذا الشي ما يجي ويروح في (3) اشهر
ثاني هام
تقدر تصاحب واحد بدون تدفع شي
بس زوجتك بتجلس تجمع لين عينك تطلع عشان تعقد قرانك عليها
ثالث هام
زوجتك رايح تجيب لك كتاكيت
يعني فرضاً وأقول (فرضاً) طفشت منها
ما راح تطفش من كتاكيتك
اللي أكيد طالعين على ابوهم طفوشين ويا ويلك منهم
رابع هام
بما أنك الآن في مرحلة ما قبل الزواج
يعني في مرحلة الشباب فهذي المرحلة غالباً تكون النفسيه فيها غير مستقره
يعني تصاحب واحد وبكرة يتغير مزاجك تطنشه
بس مرحلة الرجولة والزواج و و و و
غير
فالشاب يبحث عن الاستقرار
في العمل
في الأصدقاء
في الحياة الزوجية
مع تمنياتي لك بحياة زوجية
سعيده ومستقره (ودائمة)
17-12-2006, 09:48 AM
ضوابط المشاركة
العرض الشجري