والله ما عرف شو بقولج اختى الغاليه

بس مسأله النقاب مسأله خلاف بين العلماء و مع اني افضل النقاب على كشف الوجه بس لو كنتي فعلا محتاجه و مضطره مافيه جدامج حل غيره لانج ما تلقي شغل في الامارات الا وانتي كاشفه و جهك و هذا القانون صاره 3 سنوات الا أذا اشتغلت في مدرسه أو مكان خاص بالنساء على العموم لو ما كان فيه اختلاط يعني مكاتبكم بروحكم و مكاتب الشباببروحهم (و التواصل يكون عن طريق المراسلين او التلفون) فيه خدعه كل البنات يسونها بعد ما يتم التوظيف طبعا و بعد المقابله الشخصيه ..... ممكن تكوني متغشيه (غطاء الوجه الكامل) لين تدخلي مكتبكم و بعدين في المكتب تكشفيني و جهك .... بالنسبة لب خطيبك لازم يعرف و هو أكيد بيعرف و المهم انه يعرف عن طريق أهلك طبعا مب عن طريق الناس و أنا احس انه بيقدر موقفج خصوصا على ما فهمت منج انه انسان واعي و متدين و على فكره فيه ناس وااايد متدين حريمهم غير منتقبات ممكن تشوفينهم منهم الدكتور طارق سويدان ......

أتمنى لج التوفيق و بصراحه قلبي مع أبوج (المتقاعد ..... يعني ما تشمله أي زيادات في الراتب و لا حتى علاوة الابناء و لا غيره و الله قهر.............؟؟؟) أنا من الامارات و عارفه عدل كيف الاسعار صارت مرتفعه لدرجه لا تطاق و البترول مرتفع الامارت تعتبر أغلى دول الخليج و الدوله الخليجه الوحيده اللي رفعت سعر البترول أكثر من مره خلال سنه واحده.... و الوضع صار مأساوي بالفعل الله المستعان و بعد عندك خوات فالجامعه الله يعنكم والله انا عارفه بنات الجامعه و بنات السكن بالذات انه طلباتهم ما نخلص انا عندي خوات في جامعه الامارات بالعين .....
و انا متأكده مثل ما ابوج وافق انج تشتغلين وافق على شروط الوظيفه متأكده انه خطيبج راح يوافق ان شاء الله

الله يسير لج اللي فيه الخير لج و لأهلج

__________________
إن مشاعر الإنسان سر من أسرار الله تعالى..
يودع ما يشاء في قلب من يشاء من عباده..
فسبحان من أودع حبكم في قلبي..

أحبـــكم في اللــه


الحـــــــــــــــــــــــــــــب

هو تلك اللهفة لانتظار الغد وانتظار الدقائق القادمة .. الحب هو التفكير في الماضي وربطه بالحاضر والتحليق مع سحب المستقبل ....

الكثير منا ليس له شريك في عاطفته و لكنه يعيش على فتات هذا الأمل ـ إمّا قصة انتهت و إما قصة يعتقد بأنها ستبدأ في يوم ما ...و لكن الشائع في الأمر بأن الجميع يعتقد بأنه مُحب....