شكراً على مرورك الكريم

بس إذا هنفترض الأسوأ في أمورنا مش هنقدر نعيش مع أي حد و لا في أي مكان ... مش هنقدر نشتغل ، مش هنقدر نتعلم ، مش هنقدر نعيش ... و احنا مأمورين بحسن الظن

مش بدافع عنه أو عن نفسي لكن بحاول أكون على الحياد

أما عن سؤالك في إني أقدر أعيش مع الشخصية على الوضع الحالي بقية حياتي ؟؟؟

للأسف حتى الوضع الحالي مش قادرة أحدد ملامحه مرة كويس و مرة وحش ،، مرة عادي و مرة لا يطاق ،،

هتصدقيني لو قلتلك إني كل ما باخد قرار ما بيني و ما بين نفسي إني أنهي الموضوع (و أكون لسه مش قلت حاجه) ألاقيه اتغير تماماً و ألاقي مواقفه معايا كلها بقت كويسه

و أول ما أبدأ أديله الأمان تاني ألاقيه رجع معايا بأي شئ يدايقني

أنا عارفه إنه غلطان في حاجات كتيييييير أوي بتحصل ،، لكن أنا كمان اكتشفت إن طبيعة شخصيتي و تفكيري مش هتقبل بأي راجل في حياتي

لأني ببساطة عاوزة أعيش حرة من غير قيود ، عاوزة أستمتع بالحب آخد و أدي لكن من غير ما تتفرض عليه حقوق و واجبات ،، عاوزة أعمل اللي أنا عاوزاه في الوقت اللي أنا عاوزاه من غير ما حد يعارضني أو حتى يصححلي أموري عاوزه أعيش مع حبيبي لكن أعيش لوحدي مش ليه دعوة بيه في أي شئ غير إنه يغدق عليه من مشاعره و كمان أديله من مشاعري لكن لا نا أتدخل في حياته و لا هو يتدخل في حياتي

مش أفتكر إن في أي راجل في الدنيا يوافق باللي عاوزاه من زوجته


غير بقه لو كان راجل شخصيته ضعيفة ،،، و أنا أرفض النوع ده بالمرة

=== طلعت معقدة أوي ======

و ربنا رزقني مش براجل شخصيته قوية بعقل ،،،

ده شخصية قوية شديده دكتاتوريه أحياناً ،، و كمان فاهم حقوقه و واجباته كويس

أنا عارفه إني بحبه ،، لكن صدقوني كلامي على نفسي مش دفاع عنه أو حتى إني بستدر عطفكم لكن فعلاً بحاول على قد ما أقدر أخرج من البرواز و أبص عليه من برة

شكراً إنك اهتميت و رديت

طلبي الأخير من كل اللي بيتفضل عليه و بثقل عليه بهمي ،، إنكم مش تظلموه و كمان مش تظلموني و حاولوا تحكموا علينا بعقل رؤوف

سامحوني ،، لكن فعلاً حالتي النفسية بتسوء كل يوم عن اليوم اللي قبله

دعواتكم ....

__________________

	[blink]"و اصبر حتى يحكم الله و هو خير الحاكمين"[/blink]