المشاركة الأصلية كتبت بواسطة jejedj اقول يالحبيب اللي خلقها خلق مليارات غيرها واذا هذي تعتقد انك تحمد ربك انها وافقت عليك ورضيت بك .................ترى بنات الناس الطيبات في كل البيوت ويتمنو الرجل الصالح طيب الاخلاق اللي انت منهم ان شاء الله وبعدين الواحد صراحه مايدري وش يسوي مع بنات هاليومين :::::: تكون على علاقه مع واحد في التلفون او النت ويتقدملها واحد وتوافق علية وتتزوجه وهي لازالت على علاقه سابقه ....................Lهالاشكال المفروض تنحرق حرق مو بس تتطلق. كثير من الشباب يكونو على علاقه ببنات لكن قبل الزواج بفترة طويلة يقطع كل شي وينهي ويصفي حقوقه تماما. بس المشكلة في غباء البنات اللي لازالت مصرة على ان اللي يكلمها يحبها ويموت فيها طيب لو يحبها ليش ماتقدم لها طبعا يهمه انها تتزوج ويحافظ على العلاقه معها الى مابعد الزواج عشان ياخذ راحته " كلها " معاها. نسأل الله السلامه الهداية والستر والعفاف لابناء وبنات المسلمين

والله انك صادق والكلام ايضا ينطبق على الرجال الله يهدي الجميع

ــــــــــــــــــــــــــــــــــــــــــــــــــ ــــــ

نعود للموضوع الأساسي

مشكلة أخونا mansour_ba

شوف ياعزيزي لاتحكم على البنت انها ماتبغاك

صدقني ياأخي البنت في مثل هذه الظروف تمر بمراحل نفسية وتقلبات مزاجيه

أقولها لك من واقع خبره وتجربه

خلك معها وسط باعتدال ولاتنفعل ولاتعصب ولاتزعل

اياي واياك ثم اياك انك تتنرفز خليك بااااااااااااااااااااارد

ترى البرود والثقل يجيبها عند رجولك

الشيء المهم انك ماتكون ثقيل طينه تطفشها

الاعتدال مطلوب ولاتحس منك بأي تغيير

خلك مرح معها ورومانسي وصريح

الظاهر والله اعلم انها شافت منك شي يزعلها او يخليها تتضايق ؟

صارحها بهدوء وبأسلوب لطيف عن نفسك

ترى أغلب البنات يغريهم الكلام العاطفي الدافيء

يااخي والله كلمتين على بعضها تضيعها بين ايديك اغسل مخها بكلمات الحب

اكذب عليها مو مشكله جايز

اذا جيت تكلمها حاول انك تخفف

وكلمها عن فرحك فيها وسعادتك وانك سمعت الناس يتكلموا عنكم وانكم ماشاء الله احلى اثنين

وللمعلومية يهمها كثير نظرة الناس لكم !! حتى لو قالت لك انا مايهمني احد ماعليك منها

لااوصيك بالهدايا والاتيكيت والتفنن في المعاملة والكشخه

إملي عينها وذكرها بالله بين الفترة والاخرى وانصحها لو شفت منها شي

وقول لها لازم نعين بعضنا على طاعة الله

لاتستغرب اخوي والله ان الكلمات هذي لها تأثير عجيب جدا جدا على العروس

سبحان الله تحس البنت انها في أمان معك

البنت في فترة الخطوبة خاصة تحب زوجها يميل الى التدين وذكر الله واعمال الخير

اشتر لها كتب عن الزواج واشرطة ورسائل اشعار حب وغزل

خلاصة الكلام انها تبغاك بس يمكن فيه أحد حاسدكم ومعبي راسها

لذلك حاول تلمح لها ان بعض البنات تطلقوا بسبب حسد الناس وحقدهم

وعليك بالصبر ثم الصبر ثم الصبر

وفقك الله