مرحبا حبوبة
يقولون اللي يشوف مصايب الناس تهون عليه مصيبته ، سمعي قصة صديقتي :

صديقتي متزوجة و الحمدلله سعيدة بزواجها ، زوجها الله قدره و اشترى بيت ، أهل زوجها مروا بظروف فاضطر انه يسكن امه و خواته في قسم من البيت و يخلي القسم الثاني حقه اهو و زوجته و عياله ، الأم في أي مناسبة وفي أي جمعة حريم تقول البيت بيتي و انا مسكنة ولدي و زوجته وعياله عندنا و مضايقينيا!!! طبعا الولد سمع بالموضوع و تضايق و زعل و عرض على الأم ان يعطيها مبلغ علشان تطلع فبيت ثاني عشان يرتاح ردت عليه بكل بساطة : البيت بيتي اذا تبي انت اطلع

صديقتي الله يمسيها بالخير شنو تتوقعين موقفها ؟؟؟؟؟؟؟؟؟؟؟؟؟؟

قالت حق زوجها ميخالف لا تضايق روحك البيت شايلنا كلنا و هي تبقى أمك كافي انك سكنت بطنها تسع شهور بعد عمري صديقتي يا حلوها.

وهي الحين سعيدة الحمدلله و زوجها شايلها على راسه من فوق.

انسي الخاتم و اللي صنع الخاتم وعلى قولة المثل : لأجل عين تكرم ألف عين.