أريد حلا سريعا
السلام عليكم ورحمة الله وبركاته..
انا بصراحه عندي مشكله صغيره حاولت اكتبها في قسم المشاكل لكن قالولي مافيه..فكتبتها هنا..
بصراحه انا ببدأبقصتي بدون مقدمات..
انا انسانه صادقه في مشاعري جدا..والحب عندي دائما لابد ان تكوت نهايته زواج ولا اؤمن بالحب فقط للحب..
بصراحه انا حبيت واحد من خمس سنين..وهو اللي حبني في الاول واعترف لي بهالشي
بصدق هو انسان صادق معاي في حبه وكل شي يقوله لي...واعرفه زين واعرف اخلاقه..مع انه انسان شديد الحساسيه من اي كلمة غلط اقولها له مهما كانت صغيره فهو يتاثر منها بشكل كبير..
المهم تواعدنا على الزواج..اول مايحصل وظيفه..ولمدة خمس سنوات مالقى وظيفه زينه لحد ماجا اليوم ولقى الوظيفه اللي يبيها...بس الراتب 3800
بس مع كذا ياخذ زياده على راتبه بعض المرات الكثيره بحكم انه يعمل في القروض فيستفيد من هالشي بشكل كبير..
مشكلتي اني كلمته في الزواج وفاتحته في هالموضوع..قاللي الراتب مايكفي يعيشنا شلون اجي اخطبك واقول لاهلك اني راتبي 3الاف فقط..
علما انه لسى مافاتح اهله بالموضوع..انا سؤالي هل ممكن نقدر نعيش انا وهو ونستأجر بيت بهالراتب؟؟
وممكن انه يقدر يجمع المهر في وقت قصير..
انا اتمنى تقولون لي وش اقوله عشان افتح الموضوع مره ثانيه ابي اكتشف هل هو فعلا لسى يفكر في الزواج
ويبي نتزوج او عدل عن الفكره...مع العلم انه انسان صادق معاي في كل شي مش مخادع ابدا بحكم معرفتي به خلال خمس او ست سنوات تقريبا..
دلوني بس لاتقولون لي اتركيه لاني مااقدر....
ولكم كل الاحترام..
01-10-2005, 10:35 PM
ضوابط المشاركة
العرض الشجري