صراحة أدمعت عيني من شفت ردودكم لي وتفاعلكم معاي والله

يحقق لكم امانيكم ويوقكم وين ماتوجهتوا ..

@@@@@@

نجي نكمل القصة ...

والحمد لله ولدت بالسلامة وجبت بنوتة والحمد لله تغير الحال من ناحية معاملته لي

بس مو ذاك الزود ... بس لسه باقي على بخله ... من ناحية حليب والا حفايظ او حتى صرف

واتفقت معاه ذاك اليوم على انه يخصص لي مصرف وصار يعطيني 300 ريال وقلت نعمة

بس مااخفيكم انها ماكانت تكفي فصار ابوي يصرف علي بدون هو مايدري بس كان يحس

من يشوف الفواكه والاغراض بس ماكنت اقوله .. ابوي غرضه في السالفة انه يبيني اعيش

معاه مستقرة واهم شئ الكلمة الطيبة ... واستمريت معاه يوم فوق ويوم تحت بس صابرة

ومحتسبة الاجر على الله ... الحين صار لي من تزوجت اربع سنوات والصغيرة عمرها سنتين

ونص ... ورجعنا للمشاكل .. بس أخر مشكلة صارت بيني وبينه انه كل مرة يجيني ويبي

يخلص شغله مني .. انا ارفض او اماطل بحجة اني مانومت الصغيرة او مشغولة ...

لكن بداخلي شئ غير .. وهو .. طول اليوم ماهو هنا يطلع من الساعة 6 الى الساعة 2 يكون

في الدوام ... ماعلينا منها ... ويجي يتغدى ..ماتجي الساعة 3:15 الا لازم يروح النادي

الى الساعة 9 ويجي يتعشى وهكذا .. وعلى طول يقوم ينام ولو احسب عدد الدقايق

اللي اقعدها معاه ماتجي حتى 15 دقيقة ,, ويجيني وقت حاجته بس من اكل ونوم

وانا بصراحة جاملته في البداية بس بعدين حسيت حالي مهانة وماعندي كرامة يجيني وقت

حاجته ويخلص ولااهمه بشئ رضيت والا انطقيت وبصراحة هذا الشئ أثر بنفسيتي

يعني طول اليوم مانشوفه ولايقعد معانا ولاحتى كلمة طيبة ولاحتى يلاعب بنته حاله حال

الاباء اللي غيره .. ونقضي اغراضنا بدونه ان جيت ملابس وغيره ومستشفى وان كلمته انا

مشغول مشغول واذا فضيت يمكن اوديكم وسكت صابرة ... بس انه يجيني وقت حاجته

ولاحتى يرضيني فيها ... هذا ماصبرت عليه قلت هذي اجل علاقة بين اثنين وانا مااحس فيها

ولااحس بالكلام اللي اقراه او اسمع عنه ...

سويت اللي اقراه من طرق اثارة ولبس وموسيقى وغرفة حلوة وحتى البنت اصرفها عند امي

بس علشان ارضيه ويمكن يبين في عينه .. واسقبله احسن استقبال ... وندخل الغرفة وابدي

انا وهوجماااااااااااااااااد مايتحرك ولايحس ولاحتى يعبر لي بحركة تبين لي انه متفاعل حتى

اني سألته وش الحركة الي تبيني اسويها لك وتريحك الا يقول ي مافي حركة غير اني

أنزل وخلاص .... كلمته هذي حطمتني وجابت لي برود جنسي ماتتخيلونه ونفور من هذي

السالفة وصرت اتحاشى الجماع معاه بس ساعات اسويها مكرهة ومحتسبة الاجر عن الله

... أخر مرة كنت انوم الصغيرة وكان هو جاي من الدوام (( اخر ليل )) وقال لي تعالي ابيج

قلت دقايق بس انوم الصغيرة واجيك .. ونامت الصغيرة ورحت له المجلس الا وهو حاط لي

قنوات وسخة بس كان يشاهدهم بس ماحسيت انهم مغيرين فيه شئ ولا حتى مندمج معاهم

عاد دخلت وعصبت وهاوشته وقلت له .. انت ماتحبني . ولا تقدرني ولاتخاف حتى على

مشاعري وانت تتقصد تزعلني وصارت بيني وبينه نقاش شوي حاد زقال لي بتجين معاي

الغرفة او لا .. قلت له ... لا ماراح اروح معاك .. وقام ودخل الحمام (( عزكم الله )) وطول

عاد ثارت شياطيني ودقيت عليه الباب وقلت له انت تسويها مع نفسك ؟؟ طلع لي وهو

يضحك ورشني بالماي من فوقي لتحتي ... وصرخت عليه : وتستحقرني بعد .. وطلع من

الحمام وطقني وانا ساكتة ولاحتى دافعت عن نفسي علشان الصغيرة لا تصحى ..

ونمت مع الصغيرة في غرفتها ؟؟ الى يوم ثاني الظهر .. صحىمن النوم وانا لسه ماصحيت

وقالي وين الغدا قلت له موجود وقام يصارخ علي .. انا لازم اطلقج انتي المفروض ماتعيشين

معاي انا لازم انادي امي وابوي يسمعون وش تقولين .. انا اسويهامع نفسي وخذاني سب

وطق واهانه قدام الصغيرة وكل ماحاولت اهديه واطلعه من المطبخ علشان الصغيرة لاتتأثر

وقام ونادى امه وابوه وانا دخلت المجلس وقفلت الباب واسمعه يهذر علي ويقولهم هي

تمنعني من نفسها وانا مو حاس فيها انا خلا ابي اطلقها وصارت حوسة برى وانا حابسة

نفسي في المجلس ابيه يهدأ ولاابي اكلم احد من اهلي لاني ادري انه بيهدا ومايحتاج

أدخل احد منهم .. ويوم شفته مصخ السالفة قلت بلاها رجعة له .. وطلعوا اهله وفتحت له

الباب قام يهيني ويسبني وطردني وقال انا بروح الدوام بس مابي ارجع واشوفج هني

وحسيت حالي مهانة وانا عارفة انه لما يزعل مايقصد الكلام الا يقوله ... قمت انا وضبيت

اغراضي واغراض الصغيرة وكلمت اخوي وجاني وصار لي الحين شهر وشوي وانا في بيت

ابوي وماعندي حل .. وهو دايم يتصل على جوالي ورسايل وانه ضايع بدوني بس يشهد

الله اني مو جايبة خبره ولاحتى رديت عليه وانا محتارةمابين الطلاق ومابين الرجعة بعطيكم

الحين نموذج من شخصيته .... بخيل ...مسويها شخصية بس علي لكن برى ماعنده وهذا كلام

اللي يعرفهم ... ماخذ الزواج بس اكل ونوم ... ماعنده مسؤولية ولااحترام ... ويحترمني

على حسب مزاجه .. من ناحية الصرف الحمد لله من ابوي وهو يمكن شهر يعطيني

وشهور قدام مافيه ... جاف في اسلوبه وماعنده ذوق في معاملة الحريم ...

@@@@@@@@@

بالنسبة لأختي om mohd

اهلي والله على قد نياتهم ومايحبون يتعاملون بالشر ابداً وياما على المشاكل اللي تصير

ادخلهم بس ياخذني الشوق له وارجع .. بس هالمرة انا ماخذة كلام امي اني ماارد عليه

ولااكلمه ونشوف وش نهاية السالفة واياه بس اهلي والله انهم واقفين معاي وعارفين ان

افكاري مشوشة ومو مرتبة ومخلييني على راحتي حتى ان ابوي سجلني في دورة تدريب

علشان انشغل بس الى الان مابدى التدريب ...

@@@@@@@@

اخوي just_4_u

بالنسبة لاخته معاي وعارفه غلط اخوها .. واسألهامن كم يوم واخوج وش اخبارها

وش تحسينه .. تقول لي لأول مرة احسه مكسور ومحد واقف معاه حتى ابوي وتقولي

خليج كذا واصبري بعد شهر لأن اخوي زي الطفل .. اذا حس ان الشئ بيفقده حس بقيمته

@@@@@@@

شاكرة للجميع وقفتهم معاي وهذي القصة بين يديكم واحكموا لي فيها ..

وان شاء الله محسوبة في موازيين اعمالكم ..

أختكم :

أم نور