ب ارد على استفسارات الاعضاء في اشياء محددة الآن في بالي:
ـ ليش ما اطلع شقة فوراً ؟
رغم ان ابوي وعدني يعطيني وحدة من الشقق اللي عنده

لأسباب كثيرة اولها و اهمها:
ـ ان ابوي نفسه و اخواني كلموني الاسبوع الماضي
و قالوا لي نعرف تبغين هالشي و عندنا القدرة و المكان
لكن نشوف ماله داعي بتحسين بالوحدة و بتنعدم نفسيتك اكثر
و بنأثث لك غرفتك بالأثاث اللي يفتح نفسك
كذلك بنجيب عاملة عشان ينعدم الضغط عليك
( يعني ابوي وافق مبدئيا يسايرني بس )

ـ كذلك بديت اقتنع ان بناتي صغار مابقدر عليهم لوحدي
يعني الفكرة بأجلها لين يبكرون
هالفترة اقدر اروح عند صديقاتي اقدر اطلع لوحدي
اقدر حتى اروح مستشفى و اخليهم و انا مستأمنة عليهم عند امي او اختي

ـ كذلك استشرت صديقتي بعد بنفس وضعي تقريبا
مطلقة و عندها طفل و موظفة و ساكنة مع اهلها
قالت ما انصحك تطلعين الا بعد ما يكبرون بناتك شوي
لأنهم بيساعدونك الحين اهلك و بيكونون جمبك

و الأمر الأهم اني تيقنت اني انا اضخم الاحداث اللي تحدث بيني و بين والدتي
و رجعت لي كل عقدي النفسية
لأني انا بفترة سودا اصلاً
لكن الواقع الحقيقي الحمدلله اهون و افضل بكثير

و نفس الشي كلمت صديقتي
قالت طبيعية مشاعرك و تضخيم المشاعر اصلا طبيعي بهالفترة
انا حاسة فيك
و كنت اتحسس من اهلي الين هدت نفسيتي و تطلقت
طوال فترة ماكنت معلقة كنت احس نفسي منهارة

ف الحمدلله حسيت نفسي طبيعية كذا

عموماً
ف ارتحت لتأجيل خطوة الاستقلال ب شقة

__________________

الحمدلله على قضاء يقربني من الله عز و جل.