السلام عليكم
ارغب باستشارتكم في مشكله لاتخصني
لكن تتعلق باعز صديقه لقلبي
كبيره بالعمر.. 34 سنه.. وما تزوجت
جامعيه وموظفه وجميله
خطبها رجل شاب من عائله ممتازة
اصغر منها بسنتين
وافقت
تزوجوا
بعد الملكه طلعت العيوب
كل يوم مشاكل بينهم
تقول زوجي تافه
تفكيره طفولي
متردد
اهتمامته اهتمامات مراهقين
مايعرف يدير فلوسه
ولا يعرف يكتب بدون اخطاء
تفكيره سطحي

هو فعلا مبذر وكسول شوي
ويبالغ بالاهتمام بمظهره
وولعه بالسيارات والملابس الراقيه
وشراء كل جهاز جديد ينزل السوق
هذا واضح من كلامها عنه


وتقول طول الوقت يمدح نفسه
ويتغزل بشكله ووسامته
وهي تشوف انه غير وسيم ابدا
وانه شخص مقبول
لكن كثر كلامه عن نفسه مزعجها


المهم
الان هي تفكر بالانفصال
كلمتني وهي تبكي محتاره
وامها وابوها موافقينها
تقول احس قرارهم عاطفي
يعني متضامنين معها

انا اشوف عيوب الرجال سطحيه
وما تستلزم ابدا الانفصال
يعني واحد مستقيم مؤدب
مايشرب مايدخن ماهو راعي بنات
ولا راعي سفر ولا بذيء ولا شي

فماني شايفه اي سبب للانفصال
لكن اتمنى اعرف رأيكم
على ضوء اللي ذكرت
لان الانسانه هذي تعز علي جدااااا
خصوصا ان عمرها كبير
وانا ماقدرت اقول لها هالجمله
واحتمال ماتجيها فرصه افضل


لكن كيف اقدر اخليها تتجاهل هالخرابيط
لاني احسها وساويس ابليس