حبيبتي حاسه فيك
وماراح يحس فيك الا الي يقدر الصداقه
كنت انسانه نفسك اشوف الصداقه شي مهم وكبير
وان لعبي لدور الصديقه يتطلب مني تضحيه وافرد وقت وجهد واحون جانب صديقاتي
هذا الامر رجع لي بسلبيات كثيره
كوني اعطي فاتوقع منهم الاخلاص
كنت مااحب اتغير على صديقاتي ولا احب يتغيرو علي
صدقيني المساله مو زوجها بس لكن اكتشفت هذا طبع الدنيا
قليل المخلص ...قليل الصديق
صديقتي بعد عشره 15 عام فجاه وبدون سبب قررت قطع الاتصال
صدمت نفسك لكن تركتها هي حره
وصديقه اخرى بعد ان دخلت حياتي بقوه واخذت حاجتها او لك تجدها ابتعدت كانها لم تعرفني يوما
واخرى واخرى
لدرجه اكتشفت ان الصداقه وهم .. او عمله نادره
من يعطي وقته وجهده وماله لاجل غريب
في مجتمعنا المتزوجات همها زوجها واهل زوجها واهلها لهذا تكثر المشاكل لتركيزهم الشديد على اسرهم
وغير المتزوجات همها اخواتها وزوجات اخوانها وغيره
بيلسان قالت كلمه مهمه وقتك مهم جدا لا تضيعيه على فلانه وعلانه
مره تحزني لمشاكلها ومره تحزني لفراقها
اذا هي بنفسها قالت عطيتيني اكبر من حجمي
وقتك اشغليه
انا لو احد يطلب صداقتي الان برده لاعتذار لان ماعندي وقت
مابين دروس ومحاضرات دينيه ونادي تعلمي تسعدي نفسك بنفسك
في البدايه كنت اتضايق مااحب اروح لوحدي
تلقيني اتصل بفلانه وعلانه وش رايك نطلع وش رايكم نجتمع يله انا رايحه لفلانه تجيو معايا
من تبغى امرها وطبعا العزايم بالمطعم على حسابي لاني صاحبه العزيمه
الهدايا مبالغ فيها ... كل مناسبه لازم اركض لهم
ابادر بالسؤال والتهنئات ....و المجاملات وغصب طيب لازم عندي صديقاتي ولازم نتواصل
لكن اكتشفت اني اركض ورى وهم والتوازن بكل شيء مهم
لان ماعندي اخوات كثيرات اعتبرت صديقاتي خواتي لكن هم لا
صرت ابحث عن السعاده بداخلي بكتاب برياضه بتمشيه بدروس دينيه بمحاضرات بين طلبتي بعملي
بجلستي بين اهلي بوصلي ارحامي بتواصلي مع صديقاتي بدون ميانه وبدون مبالغه وبدون توقعات
بتواصلي مع زميلاتي لقيت حياتي بالنهايه جميله ولا ينقصها شيء الحمدلله يارب
علقت قلبي بالله ومن ثم ركزت على احلامي واهتميت بمشاعري ووقتي وان جهدي ينصب بالمكان الصح
لاتتقربي كثيرا لاحد خلي مسافه واستمتعي بعلاقتك مع التخرين
رحتي مثلا مكان وصار حديث بينك وبين وحده استمتعي بهالحديق لان هذا يبين انك اجتماعيه
رحتي مكان ماتعرفي احد ابتسمي
خليكي انسانه لطيفه ولا تحطي ببالك انك وحيده
مهب لازم يكون عندي شخص يرن علي ليل ونهار عشان اصدق ان عندي صديق واني شخص محبوب
في ناس مصلحتهم اهم اهم شي ويبيعوا العالم في سبيل هذه المصلحه
ياما انقرصت من الاصدقاء لدرجه ان مات داخلي شيء للصداقه
لم يعد يهمني وجودهم ....
ومن بدات بتطبيق هالشي رايت الاحترام و الحب من الجميع
دعواتهم لي رغبتهم في رؤيتي
وانا اهم شي مايكون بيني وبين الاخرين مشاكل وتكون علاقات صحيه
لاتؤذيني ولا اؤذيهم وطويت ملف الصداقه
والله يرزقنا الصحبه الصالحه بكل مكان
والحمدلله