رد: مشكلتنا كل ماتتعب بنتنا
ذكرتيني لما ربيت ولدي البكر .. وطلعت أمي (أم زوجي) لين غرفتي عشان تعلمني كيف أقمطه.
كانت أول مرة أشوف طريقتها في القماط (تستخدم حبل لتثبيت القماط وضمان عدم فكه)
أول ما شفت المنظر عيوني دمعت وحسيت إنها تعذب ولدي!! 
لكن لما جربت وشفت نتيجة هالتربيطة بروحي كنت أجهز قماطات وحبال بناتي لما ربيتهن.
تعرفين شو مشكلتج يا ريتاج؟
تتصرفين بتحفز وعدوانية .. مع إنج لو كنتي هادية ولبقة شوي كان اللي تبينه صار.
وحتى لو ما صار .. في كل الأحوال انتي فعلاً أمام والد البنت وجدتها .. وطول ما انتي تعاملينهم وكأنهم أغراب مالهم حق في بنتهم وخايفة عليها منهم بتكونين إنتي الخسرانة.
وعلى فكرة .. عبارة (يمكن أسمحلك تاخذين اغراضك وتنقلعين لأهلج) أنا كنت متوقعتها من موصوعج السابق.
حتى لو أمه غلطانة .. لا تنسحبين من لسانج .. وانتبهي لكلامج وفكري عدل قبل ما تقولين أي كلمة تصريحاً أو حتى تلميحاً .. تراه مب دايماً بيطوف لج ولا راح يشوف من الموقف كله إلا الكلمة الغلط اللي قلتيها في حق أمه.
الله يشفي البنت وما عليها شر ان شاء الله.
__________________
اللهم طِيبَ الأثر .. وحُسْنَ الرحيل.
17-01-2017, 07:39 PM
ضوابط المشاركة
العرض الشجري