هو دخول الاهل في حل المشاكل الزوجيه قد يزيد الطين بله .. او قد يحل المشكله من جذورها ..
ولكن باطلاعي على مواضيعج السابقه .. اشوف انه لازم ادخلين اهلك .. لانه الصبر له حدود واعتقد انه نفذ صبرك عليه للاخر ..
واضح ان زوجك ما وده يخسرك .. يمكن عشانك او عشان اطفالك او عشان نظرة المجتمع للمطلق .. بكل الاحوال ما وده يتركك ..
بس لا ترجعين له قبل وضع النقاط على الحروف ويتعهد بانه يلتزم فيها امامك وامام اهلك .. وحاول تبينين لاهلك كل شي من الالف للياء .. الا طبعا الاسرار الزوجيه هذه بينك وبينه .. وواضح انك امراه عاقله وعارفه شو تبغين والصح من الخطا بالضبط .. فما عليك خوف ان شاء الله ..
اتمنى تكون هذه اخر المشاكل بينكم وان تعود المياه الى مجاريها ويكتب لكم السعاده في كل خطوه تخطونها الى الامام ..
الحياه قصير جدا فلا نضيعها بالمشاكل والزعل والهجر ..
والحمدلله على كل حال ..