- التقويم مو كل شهر شد .. شهر ابه وشهر لا وبكذا توفري وأصلاً مش شيء صحي لفكك وأسنانك الشد كل شهر الطبيب قال لي هالمعلومة .

- الأغراض اشتري اذا رحتي معاه بدون ماتتناقشين معاه خذي الأغراض اللي تحتاجينها الأساسية بس مثل صابون ملابس / كيس حفاظات حجم كبير لكل طفل / حليب لكل طفل / كريمات أطفالك / محارم نسائية / شامبو وبلسم وصابون جسم . وبكذا تكفيك ان شاءالله 3 أسابيع بعد الولادة

- معليش فيه نقطة استغربت منك ! من جدك كل يوم تاكلين ساندوتش من مطعم ؟! وعيالك تقولين مرة جوعانين وما ياكلون ؟!!! عشان ايش الدجاج اللي ابوك يجيبه مو النوع اللي تحبونه ! او كل يوم بيض ! معليش انا مو متعاطفة معك ولا 1٪‏ بهالنقطة !!
أولادك أمانة برقبتك انتي كون زوجك مهمل هذا مايعني انه صح ! مفروض انتي تكونين حريصة.

أنا ما قلت كل يوم نوعيلهم بالصواني وياللا كل يوم طبق شكل ! هم أطفال بياكلون أي أكل انتي جبتيه وحرام تعطينهم أكل جاهز كل يوم .

مفروض كل صباح كل واحد يفطر بيض وخبز والحمدلله متوفر بالبيت مو شيء صعب تسلقين لهم بيض وتقولين لهم ياكلون عندك !
الغداء اللي اهلك مسوينه توكلينه أطفالك انتي بكيفك لا تاكلين بس هم حرام عليك !
واذا مرررة اهلك ما يطبخون انتي اطبخي لاطفالك مو شيء صعب ( أنا اسوي بقدر رز اسمر او ابيض او رز مع عدس بقدر .. وبقدر ثاني اسوي ايدام من الخضار الموجودة بالثلاجة عندي ولو فيه دجاج نتفتها وحطيتها ع الايدام واخليه بالثلاجة لمدة 3 او 4 ايام ماتتغير ابدا وكل يوم اعطي بنتي منه ) مو شيء صعب او مستحيل !
وأحيانا اسوي اكل مثل سليق وابشر عليه خضار واذا برد كيسته وحطيته بالفريزر واطلع منه اذا مالي خلق اطبخ !
الاطفال يحتاجون ( اكل ) بيت اكل مافيه سكريات ومواد حافظة ودهون وبلاوي حطي هالشيء ببالك .. وطالما انتي نفاس فاللي اهلك ياكلونه حطي لعيالك منه ومو مهم طعمه حلو او لا المهم انه اكل نظيف وصحي ومشبع اكلي عيالك وشبعيهم ..


- اما بخصوصك انتي فاشتري اللي انتي تحبيه واكيد انتي عارفة ايش الأصح لك ..


صدقيني لو بس بطلت كل يوم مطعم وفرتي مبلغ كبير !

انا غالبا اشتري لبنتي كيس حفاظات كبير يكفيها لشهر .. وعلبتين مناديل مبللة .. واحسبيها انتي لكل طفل اعتقد تجي 200 ريال لكل شهر ..

الحليب ما اعرف كم اعمار اطفالك بس اذا اعمارهم فوق السنتين بتشترين لهم حليب طازج وانتي كمان نفاس مفروض يوميا تشربين كاس حليب عشان يدر الحليب وترضعين صغيرك
فاعتقد 3 علب حليب طازج 2 لتر لكل اسبوع كافية وتقريبا سعرها 25 ريال

وبالباقي من الـ 100 ممكن تشترين زبادي ولبن منكه وممكن حلويات ماتكثرين منها لهم بس تفرحينهم
وهذي 400 بالشهر + 200 الحفاظات + 100 حليب صناعي و 300 اغراض صيدلية
وبكذا صرفتي 1000 للأشياء الرئيسية وباقي لك 1000


بأول شهر اعطي امك 500 فرحيها كونها تعبت معاك بالنفاس ..

وبعد 20 يوم من ولادتك اخذي اطفالك لحديقة اللي جمب بيتكم يوميا العصر لمدة ساعة بس يلعبون بالهواء الطبيعي وياخذون احتياجهم من فيتامين د ويبذلون مجهود .. عشان ينامون من المغرب ان شاءالله بدون ازعاج .. وتذكري كل ما لعبوا وتحركوا اكثر كل ما ارتحتي انتي اكثر


تذكرت نقطة .. هالشهر قبل ما يبدا زوجك بالمصروف اطلبيه طلعة للمول بتشترين للبيبي .. واشتري لاطفالك كمان كم لبسة 3 او 4 عشان لو احتجتي وزوجك مسافر ماتنزنقي وتخلصي المصروف ..

انتي حطي ببالك احتياج اطفالك بسيط جدا : ملابس نظيفة + اكل نظيف وغني بالفيتامينات والمعادن + لعب وسعادة + مكان مريح للنوم .
طالما وفرتي لهم هالشيء فانتي الحمدلله ماقصرتي ابدددا .. وزي ماقلت لك لا الاكل بيكلفك ولا اللعب بيكلفك ❤

خلي شعارك بالحياة هونيها وتهوون ..
والله ييسر امرك ويسخر لك زوجك ويهون عليك ولادتك ويفرح نظرتك بجنينك يارب ..

__________________
سبحان الله وبحمده ، سبحان الله العظيم