انا اليوم رحت صدفه للشقة على اساس اجيب ملابس للبنات .. رجعت للبيت لقيت الشقه مشغله الاضاءة و الاكل بالمطبخ والدخون شغال فعرفت انه جاي من السفر اخذت اغراضي على السريع وطلعت فقالي ابوي انه جاء وسلم علي وتفاجأت قلت ايه انا شفت وضع الشقه فعرفت انه جاي ..
قال يقول انه المغرب بيجي ياخذ البنات قلت ان شاء الله رجعت بيت اهلي وجهزت البنات .
فجأه سمعت صراخ امي وابوي وعرفت ان انه امي تحرض ابوي وتقول ليش ماتخليها تروح معاه .. جاني ابوي معصب مرره وجلس يخانقن ويقول كل الناس عايشه بمشاكل مو بس انتي انتي تكسرين كلمتين والحين البسي عباتك واطلعي مع زوجك .. وانا ساكته مانطقت حرف وهو يخانق قال انا وامك نتخانق ونتمشكل ونرجع نترضى وانا احبه وهي تحبن ...
فجأه انهرت ابكي غصب عني وقلت انا مااحبه ولا اطيقع ولا اطيق اشوفه وشلون يعني غصب الحياة معاه لازم تجبروني عليه انا ماااااابيه قال ابوي عشان هالبنات ..
قلت يبي بناته ياخذهن انا مابيه طلع ابوي معصب وماعاد شفته..
وجو البنات ومعاهم العاب وملابس جديده وشوكلاته و عصيرات وحليب وحفايظ..
طبعاً ابوهن شاري لهن ولا اعرف ايش قصده ..
والله اني تعبانه فوق ماتتصورون بداية وحم ونفسيه زفت .. والوضع الي انا فيه احسد عليه ...
الحمدلله على كل حال .