#. بالنسبة للموقف اللي ذكرته .#

أنا عن نفسي ، لو ولدي الكبير سواها ..
راح اقول له ( ولد .. إيش قلت ؟ ما قلت لك اشحن الجوال ؟
فين مخك ؟ ياللا بسرعة روح اشحن )


و زوجي لو رايق ، راح يكلمه و يعاتبه ..
و لو مو رايق ، يشد اذنه ..


.
.


و أغلب الأباء و الأمهات ..

- راح يسبوا الولد بأي صفة من صفات الحيوانات ..
- راح يضربوه لو خبط بسيط عالكتف ..
- راح يهزأوه ..
- راح يتأففوا ..
- راح ينظروا له ، نظرة قوية و قاسية ..


طيب إيش رايكم .. لو بدلتها بالتصرفات التالية ..

- أوقف جنبه ، و أكلمه بهدوء ..
- أنادي ولدي بأحب الأسماء إليه ( عبودي مثلا ، برهومي مثلا ، حمودي مثلا ) ..
- بدل ما أقول له ( ليش ما سويت كذا كذا ؟ ) .. أسأله ( إيش سويت في اللي قلت لك عليه ؟ )

.
.

هل الحل أو العلاج هذا ..
مثالي ؟

.
.

أنا بصراحة ،، قررت انفذه .. بعد ما سمعت القصة هذه من اليوتيوب ..

*.. أنس رضي الله عنه .. كان مثل باقي الصبيان .. *

و الرسول صلى الله عليه و سلم ارسله مرة في حاجة له ماسة ..
خرج أنس فإذا بصبية يلعبون و انشغل معهم انس و نسي حاجة النبي صلى الله عليه و سلم ..

انتظر الرسول صلى الله عليه و سلم و تأخر عليه أنس ..
خرج الرسول فإذا بأنس يلعب مع الصبيان ..

.
.

اقترب منه الرسول ..
أنس انتبه أن النبي خلف ظهره ..
و لما اقترب منه .. قال له ( يا أنيس ما فعلت بما أمرتك )

قال أنس ، اذهب الان يا رسول الله .. و لم يقل له الرسول ( أف ) ، و لا شتمه ، و لا قال له ( يا أنس حاف )

.
.

إيش رايكم ؟
نقدر نعمل كذا ؟