بأوضح شي ..

- أنا وقت كلمت عمي ، لإنه زوجي كان راح يطنشني ..
و كان من المستحيل إني أكلم أخوي ..

دقيت أول مرة على واحد من أخواني أبغاه يجي ..
قال مشغول و ماني فاضي اليوم .. و ما قلت له عن السبب ..

كان لازم زوجي يحس إنه وراي ( رجال ) ..

هذا اللي خلاه يخاف و يحس إنه خلاص الموضوع ( جاد و مو لعب )

و عمي ما حكيت له كل التفاصيل اللي هنا ..
بس قلت له يطلقني منه ، و إنه له علاقة مع بنت و مستحيل أعيش مع شخص مثله ..

.
.

- أختي الكبيرة ، بس قلت لها تبلغ الكل خلاص إنه ( تركت زوجي ) ..
و ما قلت لأخواتي و أخواني عن أي تفاصيل ..


.
.

- عمي استغل الفرصة و راح يتشمت في أخوي ..

لا شفت عم ، و لا أخ وقفوا معاي ..
كلهم انسحبوا ،، و ما بينت لزوجي ..

.
.

أجلس في البيت لوحدي مع ولدين زي الجنية ؟؟؟؟

.
.

جلست مع بنت عمتي ، و جلوسي معها كان بفايدة ..
لإني شفت بعيني أولادها كيف ..

و كنت بأفهم منها إجراءات المحاكم ..

على بالكم إننا في دولة تنصف المرأة ؟
و لا أقدر أروح بنفسي للمحكمة ؟

.
.

جلوسي عندهم يومين ، خلاني أهدا و أفكر و انشغل ..

.
.

يعني عمي و عمتي و أخواني و أخواتي منسحبين ..

.
.

قدامي بس ( عمتي ) لإنها كبيرة و حكيمة جدا ..

.
.

أهل زوجي ، وقت قلت لهم ..

لإني أعرف زوجي ( بيكذب عليهم ) و يحط أي شي علي ..
و هما ما يصدقوا يروحوا يتكلموا عني ..

حبيت أبين لهم سبب المشكلة ، عشان يسكتوا ..
و يهتموا بولدهم ، و كنت خايفة على زوجي لإنه أبو ولدي من الضياع ..

.
.


أنا خسرت صحباتي و جاراتي في بريطانيا بسببه ، و ما زالت المقاطعة مستمرة بسببه ..
و أهله خسرنا بعض ، لإنه كان من صالح زوجي ..

أنا ما اسكت بعد اليوم ،.

.
.

مشاكلي مع أخواني و أخواتي بسبب ، كلمة ( كبري عقلك ، كبري عقلك ) ..

صار الساكت دايما هو ( الغلطان ) ..