السلام عليكم ورحمة الله وبركاته


أنا عندي بنت عمرها سنه تقريباً ..


طبعاً هي تحبي وتوقف على خفيف يعني على وشك تمشي ، لكن أنا في ورطه لاني اعتقد لو مشت بتسوي أكثر مما تسويه حالياً ..


طبعاً البنت ما شاء الله ما تخلي شي في حاله ، يعني تحبي وتروح توقف عند طاولة التلفزيون وتتولى أمر الرسيفر وتضربه بيدها بقوها ليييين ما ينفصل ، أو تفتح الدروج اللي في الطاوله وتنثر اللي فيها من حاجات ، أو أي شي تحصله قدامها ، المهم أنا أحاول بشتى الطرق أمنعها يعني مثلا أقول لا وهي أحسها تفهم لأنها تطالع فيني وتضحك ضحكة اللي جايب مصيبه ههههه وتدري انها تخرب لكن تستمر واقوم اشيلها واجيبها جنبي وخمس دقايق الا وهي راجعه وطوال اليوم انا وهي وامها هذا حالنا << انتظر ردودكم بخصوص هالموضوع لانها تعبتني وأحيان يرتفع ضغطي منها ..



الأمر الثاني هو خروجي من البيت ، طبعاً حنا الأيام هذي بسبب البرد غالب وقتنا في صاله مغلقه وفيها دفايه بسبب شدة البرد وما نطلع منها الا نادر المهم حتى ثوبي وشماغي الى جيت اعلقهم في الصاله علشان اذا جيت اروح اصلي او اطلع اجيب اغراض ، المهم هي بمجرد ألبس الثوب والشماغ تناظرني وعلى طول تجي تحبي لين عند جولي وتجلس تطالع فيني تبيني اشيلها وآخذها معي ، طبعاً بعض الأحيان أكون مستعجل واطنشها ( مع انها توجعني في قلبي ) المهم اذا طلعت مع باب الصاله وسكرته أسمع الصيحه طبعاً قويه ، تصيح ليييييين ينقطع النفس وتاخذ لها حدود خمس ثواني أو اكثر ثم تعود لها الحياه << مدري فهمتوا هالنقطه والا لا ، المهم انا ابي حل لمشكلة خروجي حتى لدرجة اذا بطلع من الصاله انا والا امها تصيح على طول وما نقدر نخلي الباب مفتوح بسبب البرد وأيضاً لأن البيت سيراميك وأخاف تمرض مع انها مريضه ( الله يعين ) ..



انتظر ردودكم على هالنقطتين ..

__________________
لا تسقني ماءَ الحياةَ بذلةٍ .. بل فاسقني بالعز كأسَ الحنظلِ
مـــاءُ الحيــاةِ بذلةٍ كجهنمٍ .. وجهنـــمٌ بالعـــز أطيــب منــزلِ