المشاركة الأصلية كتبت بواسطة روح الطير

الصراحة ،،

تفاجآت جدا يوم قريت اسمي ، و فرحت كثيييييير بوجود أخوات لي يخافوا علي و يدعوا لي بظهر الغيب ..
ربي يديمها نعمة لنا يارب ..

و أخص بالشكر حبيبتي أسيرة .. و ربي يتمم لك حملك على خير يارب ..
و قريت موضوعك تبع أمس ، و أنصحك من جد تهتمي بالحديد .. لإنه راح تحسي بدوخة و ضعف شديد إذاا تقدم الحمل
و كل ما تقدمتي شهر ، كل ما نقص الحديد .. و أنا كنت بالخامس و الدم عندي 10 و دحين بالتاسع و وصل 8 ..
عشان كذا ، انتبهي من جد على نفسك ..

لا شكر على واجب يا اختي..صحيح انا مشاركاتي قليلة جدا بالمنتدى لكن انا متابعة دائما لكل الاخبار و حسيت من كلامك ازاي الانسان فعلا بيكون محتاج لدعوة بظهر الغيب لتفرج عنه و خصوصا حكاية الولادة فسبحان من يخلص روح من روح و شكرا على نصيحتك سأحاول تطبيقها بإذن الله

حبيباتي ..

تسلمولي و الله ، و ربي يفرج هم كل وحدة و يحقق لها أمانيها ..

.
.

عن حالتي ، فالحمد لله ..
الدوخة و الصداع و الضعف الشديد و الخمول .. بدأ يخف شوي مع إبر الحديد و المغذيات ..
و الأسبوع اللي فات ، وصلت لمرحلة ما أقدر أقوم و لا أفتح عيوني من التعب و لا أرفع كاسة موية ..

وصفت لي الدكتورة 10 إبر حديد ، رحت مرتين و أخدت الإبر و باقيلي كمان كم مرة أخد الإبر في الوريد ..
قلت أتحمل الألم و لا يجيني نزيف لا سمح الله وقت الولادة و تجيني مشاكل أنا في غنى عنها .،
و خاصة يوم قريت مشكلة الأخ أحمد الأزهري و وفاة زوجته الله يرحمها وقت الولادة بسبب النزيف ،.
خفت و اتشجعت أخد الإبر ..

بس مرة مرررررررررررررررررررة توجع .. و زوجي يضحك يوم يشوفني أصيح من الإبرة ؟؟؟ : (
(( و من جد وقتها افتكرت أمي الله يقومها بالسلامة ، من شهووووور و هي كل بعد أسبوعين تروح المستشفى
و تاخد إبر و مغذيات و سحب دم ، و حزنت عليها من كل قلبي .. ))

.الحمد لله انك اصبحتي احسن ربنا يديم عليكي العافية و تقوي بألف سلامة و تكون ولادتك ميسرة سهله بإذن الله
.

أمس أمي دقت على ( داية = ممرخة = اللي تولّد بالمنازل ) ما أعرف إيش تسموها ؟؟؟
معروفة هنا بالمررررررة ، و لها خبرة و ورثت المهنة من أمها و جداتها ..
و بأقول اللي عملته و قالته ( يمكن أحد يستفيد )؟

جات دهنت لي زيت زيتون و قاست لي من برة بخبرتها - مو مثل المستشفيات تعبوني - و قالت لي :
النونو بيتحرك كثير ماشاء الله و يبغى يخرج خلاص و نازل على تحت ، و إنه هناك ( طلق ) من جدددد ..
و الرحم مو مقفول ، مفتوح شوووووي .. بس إنه ( سدادة عنق الرحم ) ناشف و هو اللي مقفل الطريق ..
و قالتلي كمان ، إنه حساب المستشفيات لموعد الولادة ( غلط ) مو بعد 3 أسابيع ..
و إنه ولادتي قريبة مرة بإذن الله و يمكن هذه الأيام ..

نصحتني يومياً .. أكل تمر عالريق + زبدة و أكثر منهم في الصباح ..
و بعدين أسخن كوب حليب مع هيل و زبدة ، و أشربهم ،، و إن شاء الله بعدها عنق الرحم راح يلين ..
و قالت إن شاء الله لو استمريتي كذا ، ما راح تتعبي بالولادة ..

سألتها عن الأعشاب و هذه الأشياء ، قالتلي ( لأ .. لا تاخديها .. بس القرفة إذا بدأ الطلق و الرحم فتح )
و قالتلي أمشي كثييييير ..

.
.

و أمس جمعت أدعية تسهيل الولادة و نقلتها على جوالي و بأقراها على موية الزمزم إن شاء الله ..
لإنه هي أكثر شئ تخفف ألم الولادة و الدعاء في نص الليل بأي دعوات و طلب تسهيل الولادة من ربنا ..
ياريت لو عندك وقت تنزليها لنا يمكن حد مننا يستفيد منها و ينالك ثواب الدعاء
و خايفة من وقت الولادة ما يكون فيه أحد و أخد تاكسي لا سمح الله ..
مافيش أحد من أخواني هنا ..

و زوجي حاليا بيشتغل بوظيفة مؤقتة ، مكانها بعيد عن بيت أهلي .. يعني لو جاني الطلق ..
فيبغاله نص ساعة لحد ما يجيني ، و نص ساعة لحد ما أوصل للمستشفى ..

و قبل كم يوم وحدة مصرية - زوجة صاحب زوجي - ولدت بسيارة التاكسي و هي رايحة المستشفى ..
و زوجها من الفرحة ، أعطى اللي بجيبه لسواق التاكسي ..
عادة في الطفل الاول بتاخذ الحكاية وقت بس بالثاني و ما بعده بتكون اسرع انتي لما تحسي ان الطلق انتظم كل 20 دقيقة مثلا خدي بعضك و روحي عالمستشفى لو هي مش بعيدة لكن لو ابعد و ظروف الطريق غير مضمونة اطلعي لما تكون المدة 25 الى 30 دقيقة..انا في بنتي الثانية رحت المشفى لما كان الطلق كل 10 دقائق و ظليت بالمستشفى اطلع السلم و انزل و الف و اتمشى 3 ساعات و بعدها ربي فرجها علي والحمد لله
.
.

فاتحة اللاب توب و أتصفح المنتدى و اقرى من جوجل ( تجارب الولادة ) .. و مخدات وراء ظهري ..
و كل ما تعبت ، أرقد و أريح ظهري كم ساعة و أقوم أتوضأ و أصلي الفرض و أكل و أرجع أنام ..
و لو تعبت من النوم ، أرجع أفتح اللاب توب نص ساعة بالكثير و أتعب من جديد من الجلوس ..

.
.

كتبت قصة حياتي .. ^_^
مستنيينها لما تكتبيها بالتفصيل اكثر بعد ما البيبي يجي بألف سلامة و تحكي مغامراتك معه
أمي نايمة ، و الشغالة نايمة ، و زوجي معزوم على زواج و قلت له خلي الجوال بيدك ههه ..
و أنا جالسة لوحدي .. و أشوف مرات طلبات ولدي و أسكته عشان لا يزعج أمي و يصحيها ..
الله يخليلك امك و يبارك فيها و يعطيها الصحة و يشفيها و يخفف عنها الامها.لسه يا دوب قرأت موضوعك عنها و طلبك للدعاء.. ,,الام نعمة غااااااااااااااالية خللي بالك من رضاها و احمدي الله على وجودها بجوارك عندما احتجتيها و يا رب دايما تكون حواليكي
بعد شوي بأجيب موية الزمزم و أقرى الأدعية اللي جمعتها ..
الطلقات بتروح و تجي على خفيف طول الوقت ..
.
.

ألف مليون شكر لدعواتكم .. اللي من جد راح تعطيني قوة دافع أكثر ..
لإنها عندي أغلى من كنوز الدنيا كلها ..


ربنا يجعل دعواتنا من نصيبك بإذن الله و تقومي بألف سلامة و مولودك يملا المنتدى ببكائه,,,,ههه دي بس مزحه.. بإذن الله يكون مولود هادي مهدي تام الخلقة و الخلق
بس نصيحة للحوامل ، يجهزوا أغراضهم من بدري ..
لإني كنت أأجلت للأشهر الأخيرة ، و دحين ناقصتني كم حاجة ضرورية و مو قادرة أبدا أروح اشتريها ..
و زوجي مو فاضي حاليا و أجلت الكم غرض لبعد الولادة ،.
و أهم شئ إني جهزت شنطة المستشفى ..