الله يسعد كل من مر هنا و حل مشكلة صديقتي ، ولو بالدعاء
r]السلام عليكم ورحمة الله و بركاته
حبيباتي أنا لي صديقة عزيزة على قلبي حيييييل ، وربي أني أكره أشوفها مضايقه و لا أقدر أساعدها
اول ما حكتني بمشكلتها كان نفسها تكتب المشكلة عندكم لكن للأسف نفسيتها ما تسمح أنها تكتب
مشكلتها أنها ملكت قبل شهر و ثلاث أسابيع تقريباَ و زوجها يكبرها ب8 أو 9 سنين بصراحه مأ أتذكر
ودايماً تحاول تضغط على نفسها و تحاول ما تضايقه بإي شئ و إذا طلب منها أي شئ ما تقدر تلبيه
تحاول بقدر ما تستطيع إنها ما تزعله و حتى هو يقول لها أنتي صرتي بمثابه الآم لي .....
تصير بينهم أختلافات بسيطه و تنحل و لله الحمد ...
فيه شغله مضايقة صديقتي أنها بتنقل من مدينة إلى قرية و هي متعودة على المدينة و الناس الي فيها
، هي و ضحت له قبل أنها ما تقدر
على جوء القرية و ما تعودت عليه و أنها لما تجي في الاجازة لها القرية ما تصدق ترجع لمدينتها مسقط رأسها
و بعدين فيه أختلاف كبير راح يصير في حياتها ، هي وضحت له الفكرة وهو طلب نقل للقرية
و تم نقله و لما قالها تحاملت على نفسها و تظاهرت بالفرح و أهلها باركوا له .
المشكلة الكبرى أتصل عليها البارح و بعد سوالف و قال لها كلام غريب جداً ماله علاقة بموضوع حديثهم :
"قالها أهلك يحبون الفلوس و هم قحريطين (يعني بخلاء ) ليه أبوك ما يخرجكم في فيلا بدل ما يضيق عليكم
في شقة و يأخذ الفلوس من الجيران " بصراحه صديقتي أنصدمت بكلامه و قالت له روح نام بدأت تضيع في
الكلام طبعن هو أنتبه لنفسه إنه بدأ يضيع في الكلام و أعتذر و معليش و أنه أمزح و زميلتي بينت له انه
أنها عادي بتمشي الموضوع تقول لي : أول ما قفلت كنت برسل له رسالة من القهر ، بس حاولت و مسكت
نفسي ، طبعن هي كلمت أبوها و أمها و قالوا لها حاولي تسكتي و لا تقولوا شئ و تقول لي شفت نظرات
الخوف بعين أمي و قالت لي ألله يعطيك خيره و يكفيك شره ، تقول أنا حسيت بالخوف و أني بروح لمصير
مجهول في الحياة القادمة .
أنا أبي من كل من يمر هنا ينصح زميلتي أيش تسوي تسكت و إلا ترد عليه و كيف ترد ؟؟؟
و الي ما عندها أي نصيحه فالله يساعدها تدعي لها في المتصفح
الله يسعدكم دنيا و آخر هاذي صديقتي الغالية و نفسي أخفف عنها خصوصأ أني ما أقدر أشوفها منهاره
و تبكي ...........
[/FONT]
التعديل الأخير تم بواسطة دندوشة2011 ; 20-04-2011 الساعة 02:09 AM
السبب: خطأ بالعنوان
20-04-2011, 02:03 AM
ضوابط المشاركة
العرض الشجري