محتاجة مشورتكم زوجي يخونني بالجوال و المسن (مستجدات بالرد17)
موضوعي اصبح منتشر كالسرطان هذي الأيام الا و هو الخيانه الزوجية
ادري انه اتكلموا عنه كثير نساء لكن احتاج مشورتكم في كيفية التصرف مع هذا الصنف من الرجال
انا متزوجه من سنه و 4 شهور و الحمدلله ربي رزقني ببنت الله يحفظها من كل شر
علاقتي بزوجي و الحمدلله تمام لكن اكيد مافي علاقة زوجية تخلو من بعض المشاحنات... من بعد زواجي ب4 شهور بديت الاحظ ان زوجي يتكلم في المسن و اول ما اظهر قدامه يقفل تكست المحادثه... بصراحه في البداية ما شكيت انه بيخوني مع بنات لكن مع الوقت صرت اكيده ميه بالميه... في فترة حملي صار مزاجي معكر علطول<<< طبعا بسبب هرمونات الحمل و اللي خلتني انفر من زوجي بس هالشي خف مع قرب نهاية الحمل... في فترة نهاية الحمل صرت اشوف زوجي يتكلم كثير عالمسن و اول ما يشوفني اشوفه يقفل التكست... قلت يمكن يتوب لما يصير اب بس برضو مافي فايده... لاحظت ان الحاله تزيد يوم ورا يوم و امتدت المحادثات بالمسن وصارت اتصالات بالجوال... اول مره شفته يكلم وحده بالمسن بعد الولاده بأسبوع بالضبط...انا جيت و شفته يتكلم مع وحده و اول ما شافني قفل المسن بكله... بصراحه قتلني بفعلته هذي... يعني لسى والده و تعبانه و هو قاعد يتكلم مع بنات... و لاحظت كمان انه يقفل باب الغرفه بالمفتاح لما اكون مع الضيوف... في مره من المرات قبل لا اولد كان موجود في اللابتوب حقه صوره لمحادثة مسن و يطلب فيها انه تفتح الكام حقها... يعني وصلت الخيانه الى ان يتفرج عليهن و الله يستر ايش قاعد يشوف... و بديت الاحظ كل شوي تزيد الخيانه و كل شوي توصل اتصالات اما من برا البلد اللي احنا فيه او من نفس البلد مع العلم انا عايشه مع اهله في الغربه و بعيد عن اهلي و ما عندي الا رب العالمين اللي يساعدني...جوالاته شي مقدس بالنسبه له... حاطط عليهن باسوورد و كأنه مهم لكن اللي يهمه فيهن انه فيهن مسجات غرام و مواعده... حاطط اسماء رجال على ارقام لكن طلعت ارقام لبنات لأني اتصلت فيهن بس من دون ما اقول من انا... يعني مسويه حالي غلطانه بالرقم ... اخاف تتمادى العلاقه و تتطور و تصير شي غير محادثات خصوصاً انه يتأخر بعمله لأنصاص الليالي بحجة شغل و ما شغل... بديت اوسوس خصوصاً بعد ما شفت رساله مكتوب فيها انها فلانه و دوبها جت من برا و توصف له مكان سكنها و اذا حابب يقابلها
كل اللي احتاجه الحين هيا مشورتكم في ما اذا اواجهه بالموضوع او اترك الموضوع لين ما ارجع على بلدي بعد 5 شهور و هناك اواجهه ... على الأقل اكون بحماية اهلي هناك لأني اخاف يهددني و انا في الغربه و يسوي شي ببنتي و في نفس الوقت اخاف تتطور العلاقات لأشياء اكبر
سامحوني على الأطاله بس و الله محتاره مره
سلام عليكم
التعديل الأخير تم بواسطة ماريا ; 20-03-2011 الساعة 09:34 PM
السبب: توضيح العنوان
19-03-2011, 10:35 PM
ضوابط المشاركة
العرض الشجري