أخوي الأخلاق

خليني اعطيك مثال عن المصروف ..

أنا فرضا ، لو ولدي - اساء التصرف و قل ادبه و احترامه لي - ،، فهل راح اسكت له علشان يزيد في تصرفاته ؟
أم راح تخذ موقف حازم معه ؟؟؟؟؟

أقل شئ راح اعمله .. إني راح احرمه من مصروفه ، ثم اطنننننننننننننشه ،.
هل معناها إني اكره ولدي ؟ أو ما أبغى له الخير ؟؟؟؟؟

زوجتك إلى الان ماهي عارفة قيمتك ، لإنه اهلها موفرين لها كل شئ
فإنت ابتعادك عنها فترة طويلة ، راح تخليها تجرب جلوسها عند اهلها و راح هم بنفسهم يملوا منها

و صدقني ، البنت في بيت اهلها مو مثل في بيت زوجها .. هذا الشئ كلنا نتفق عليه نحن المتزوجات
حتى لو كانت مدللة في بيت اهلها ، مو مثل بيتها

إذا ارسلت لها مصروف الان ، فهذا أحلى شئ عندها و منى عينها
تجلس عند اهلها ، لا طبخ و لا كرف و لا غسيل و لاشئ و كمان مصروف في يدها
يا سلااااااااااااااااااااااااااااااااااااااااام من جد .. و الله لو إني مكانها ما أرجع بيتي هههه

فهمت قصدنا أخوي الأخلاق ؟؟؟؟
إنت و الله إنك قمة في الأخلاق و الأدب و العقل و ربي يجعلك عنده من المحسنين و اللي هي اعلى درجة بإذن الله
كما أعلم .. و المحسنين من الإحسان و هم اللي يكظموا غيظهم ..

لكن تعاملك هذا خليه في صندوق دحين ، خليها تشوف الوجه الثاني .. حتى تعرف قيمتك و ترجع لك و هي تحترمك

طفلي إذا عاقبته فمو معناها إني أكرهه ، معناها إنه ( يهذب سلوكه ) .. هذا و هو طفل ..
كيف عاد بإمراة متزوجة و عندها طفلة ؟؟؟

هي عارفة غلطها ، لكن ماهي حاسة بندم أبدا لإنها تعرف ردة فعلك من البداية ..
و المثل يقول ( مين فرعنك يا فرعون .. قال ماحد وقفني عند حدي ) و زوجتك هذا اللي مفرعنها
بس دخيلك لا تتخيلها فرعون

رسالتك ما راح تفيد ، راح تضرك .. راح ترجعك للخلف أكثر من قبل ..
و بدل ما كنت راح تصبر اسبوعين مثلا ، فراح تصبر شهرين لحد ما تعقل زوجتك

أنا أدري إنك تبغاها ترجع .. لكن اصبر و خليها ترجع بعقل و أدب

و الأهل ما يحترموا زوج البنت ، إلا إذا شافوها تحترم زوجها
صح و لا غلط ؟؟؟؟؟؟

هم ما راح يحترموك ، إلا إذا شافوا ببنتهم تحترمك و تدافع عنك في غيابك و حضورك ..
و بنتك ما راح تموت عند أمها ، هي بس تبغى تقهرك و تبغى تستفزك و قالت أدخل له من المدخل هذا
يمكن اقدر الويي ذراعه .. بس طنشها ، حتى تحتار أكثر ( إنت في إيش تفكر و تخطط ) ؟؟؟؟

و مثل ما قال الأخ اونلي هيومن ..
راح بعد فترة ، ( ترسل عتاب ) و في الأخييييييييييييييييييييييييييييييييييير ( اعتذار ) إن ما شافت نتيجة
و بعدها إنت اللي راح تتشرط بكيفك و هي ماهي قادرة تستغنى عنك و الدليل رسايلها



أخوي ما نقولها لك من فراغ ، بنقرا كثير و عندنا شهادات بدرجات عالية
يعني عاصرنا الحياة من طفولتنا و اغتربنا ..

و الله إني عند أهلي ما أشيل كوب و يتيمة و اخواني ما يقصروا ابدا
لكن تزوجت و الحمد لله زوجي أخلاقه مثلك في كرمه و طيببته ،، و كنت راح اصير مثل زوجتك
بس الحمد لله إنه عندي خوف من ربنا و لا ماكان شئ راح يردعني إني اعمل مثل زوجتك

و تعلمت إنه طيبة زوجي تخليني أزيد معه في جرعة الحنان و الدلع .. يعني ما نتكلم من فراغ ..
مجربين وو شايفين

و اهلي ماكانوا يحترموا زوجي يوم كنت في بداية زواجي اقل ادبي عليه من دون قصد
و دحين الحمد لله الكل مقدره لإنهم شافوني كيف ما أتكلم عنه و لا ارضى أحد يغلط عليه