10-09-2009, 06:18 AM
|
المشاركة الأصلية كتبت بواسطة Mort Vivant
وعليكم السلام ورحمه الله وبركاته، اختي الكريمة أصغرهم، اول شي مبروك ما شاء الله، والله يتمم لكم علي خير ان شاء الله... والله ان شاء الله يعطيكي على قد نيتكي ولا يخيب رجاكي... اسمحيلي باكلمكي بصراحه، واتمنى ما تزعلين من كلامي... وش سبب موافقتكي على شخص غير سعودي؟ واتمنى ما تفهمين كلامي غلط، الخير موجود في الدنيا كلها، وكم من واحد غير سعودي اخير منا يالسعوديين، لكن في مسأله الزواج موضوع التوافق في العادات والتقاليد مهم جدا... اختي الغالية لما شخص مثلا يخطب، العادة ان اهل البنت يسألون عن اهله وعن اخلاقة اذا زوجكي غير سعودي من سالتي عنه؟ هل كلمتي اهله او احد من البلد اللي هو منها، ولا بس اعجبكي واعجبتكي اخلاقة. اختي اتمنى انكي ما تتساهلين في موضوع السؤال عن زوجكي انتي ما تعرفين عنه شي غير اللي يقوله لكي... بعدين اختي انا ابن الحلال ما اعرفه ولا اقدر احكم عليه او اظلمة، لكن انا كرجل ما اقبل ان زوجتي تعطيني هللة موب عاد سيارة وشقة واذا مستوى المعيشة او نمط الحياة اللي بقدر اوفره لها حسب امكانياتي ما يصلح لها، فهي ما تصلح لي بعد... وموب بس انا اتصور اغلب الرجال نفس الشي، يعني من الطبيعي ان الزوج هو اللي يصرف على زوجته مهما بلغ ثرائها، ففلوس الزوجه لها، وتتصرف فيها على كيفها(طبعا مع رضى الزوج)... اختي زوجكي ما اقدر احكم عليه واظلمه يظلمني رب العالمين، لكن اختي الكريمة وانت مثل ما ذكرتي سعودية، وتعرفين ان في هالبلد خير وفيه كثير من الناس يسعون وراء الجنسية والعمل والاستقرار، لان مهما بلغت ظروف المعيشة عندنا فهي تضل ولله الحمد افضل من دول كثيرة مجاورة... اختي باين ما شاء الله عليكي انكي انسانه ربي منعم عليكي وطيبة وتثقين بالناس، وانا الله لا يهينكي معليش بطلب منكي طلب وهو: انتي اذا الوالد موجود او لكي عم او خال، خليهم يكلمونه ويقولون له اننا والله ما سمعنا عنك الا كل خير لكن بعد الدنيا صارت تخوف وفلوس البنت(اللي هي انتي) بتصير معنا اذا احتاجت شي عطيناها، وقولي لزوجكي اني ما اقدر اتصرف بالفلوس الا بأذن اهلي، وشوفي رده فعل زوجكي اذا والله الرجال ما خالف ولا كن شي صار فهو ان شاء الله فيه الخير وفعلا شاريكي، وان كانه زعل ولا تضايق ولا تغير عليكي فهو له هدف ثاني... واختي والله على ما اقول شهيد اعرف انسانه نفس ظروفكي تماما وكان عندها ملايين والان تسكن في شقة ايجار، والسبب زوجها لعب بكل فلوسها... وانا اقولكي اختي انتي تسرعتي في امور كيثرة يعني تملكتي على الرجال وانتي ما تعرفين منهم اهله ولا وش هو مسوي في حياته من قبل، وقمتي تصرفين عليه وانتي غير مطالبة بالهالشي اطلاقا، سيارة وشقة... اختي الغالية ترفقي شوي ولا تستعجلين، وعلى موضوع الزواج خلاص خليه لين يقدر زوجكي يدبر مصاريف الزواج، ولا عاد تعطينه ريال، حتى لو انكي عارفه انه محتاج، الرجال الغير قادر على تحمل مصاريف بيته وشوله يتزوج ويحمل زوجته فوق طاقتها... واتمنى لكي التوفيق ان شاء الله من كل قلبي، ونصيحة من اخوكي لا تستعجلين وفكري بدل المرة الف... |
| مواقع النشر |
| أدوات الموضوع | |
| انواع عرض الموضوع | |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري