السلام عليكم ورحمه الله وبركاته
انا اول مره اشارك في هذا القسم واريد مشورتكم ونصيحتكم لي
انا صار لي متزوجه تقريبا 3 سنوات وعندي طفل والحمد لله
مشكلتي مع زوجي انه لا يتفهم مشاعري ابدا ولا يقدرني
وعده مواقف تؤكد لي ذلك و وعنده الاخرين اهم مني بكثير
يعني ابسط مثال لو كان يوم الاجازه اللي بكون مستنياه طول الاسبوع عشان نقضي اليوم مع بعض واجيب احتياجاتي باتصال من احدى اصدقاءه ينهي كل شي او احيانا يتعذر بالتعب واتفأجا انه كان مواعد احدهم
هذا غير انه في الايام الباقيه يسهر معهم
وهذا تكرر كثير وتكلمت كثير معاه واني لي حق اني اخرج معك لا حياه لمن تنادي
يعني ياناس في وحده ولدت وشافت الويل ومحتاج زوجها يكون جنبها سلم علي بعدين راح
ثم جاب امه المستشفى وراح يتعشى مع صديقه بكل برود ولا دخل يشوفني مره ثانيه
غير المواقف اللي صارت ايام النفاس لما كنت عند اهلي
حسيت اني مالي مكانه كبيره عنده
والحين نحن اغتربنا
وما فاهم انه لازم يصير لي الاخ والاب والصديق لاني ما اعرف احد هنا ولا اكلم احد طول اليوم وانا لحالي
واذا جاء تعشى وجلس على النت او يكلم احد اصحابه تعبت وانا المح له
الى ما انفجرت البارح
كنت برى انا وياه وكان الجو ممطر جدا ورعد وبرق الوضع لا يوصف كنا في السوبرماركت ودق على صاحبه قاله شوي وجاي
قلت له في الجو مستحيل ارجع لحالي
قال ما تخافي اركبي الترام وارجعي انتي والولد وانا بعدين برجع
قلت له اعتذر الوضع الان مايسمح شوف الجو شلون ابدا انا خايفه والولد خايف ارجوك
قال ما راح اطول زعلت قلت له هذي الامانه اللي امونك اهلي علي وزعلت وقلت روح
وركبت الترام وانا مرعوبه واحاول اسوي نفسي قويه وتوقف مرتين وما ادري ايش يقولون لاني ما افهم
لغه البلد
ولما وصلت كان فيه مسافه بين البيت ومحطه الترام والشارع فاضى والمطر والرعد والعربايه تبع الطفل ثقيله شوي لان فيها اغراض وما قدرت ادفها مع المطر غير الخوف االي كان مسيطر علي
وصلت وحمدت الله
كنت منتظره يتصل يتطمن علينا وما اتصل ولما رجع ما فكر يعتذر
كنت زعلانه منه بس مع كذا لما يسألني كنت اجاوبه بعد ما تعشى شافني وسألني ايش فيني وليه زعلانه وانا انفجرت
وهو اعترف انه مخطئ واعتذر
بس انا الى الان زعلان
و مقهوره لانها مو اول مره يقدم اصحابه علينا
ومو عارفه ايش الحل معاه
__________________
أسأل الله أن يحفظ لي زوجي وابني من كل سوء ويهون علينا غربتنا
06-06-2009, 07:46 PM
ضوابط المشاركة
العرض الشجري