و الله يا اخي انا بصراحة لما شفت العنوان كنت بدي شجعك
موضوع الاغاني و الافلام مو كتير موضوع كبير
و نفس لشي علاقتها السابقة نزوة و لكل حصان كبوة متل ما بقول المثل
لكن موضوع الصلاة هو الأهم
و انا حسب ملاحظتي انه الناس اللي بضيعوا صلواتهم بكون في أمور كتيرة بحياتهم مو مزبوطة
من فترة تعرفت على صديقة كتير اعجبت بأخلاقها و كرمها اللامحدود
لاحظت انها بتترك فروض و بتصلي فروض
كنا متفقين تسمعلي قرآن لكن تصور لما اقضي يوم معها بنسى الصلاة و اللي هي الفرض !!
يا ريت بس انه ما سمعتلي قرآن .. بس كمان تروح علي الفروض ... مشكلة كبيرة
صرت أحاول اني أنا دائما أحثها على الصلاة الأحوال تحسنت لأنها طيبة
لكن اكتشفت فيها مشكلة تانية و هي الأمانة (مو معي طبعاً)
مثلا بتشتري ملابس من السوق ممكن تلبسها و ترجعها و تاخد الفلوس كامل و كأنها ما لبستها
أمر آخر عندها كان هو الكذب
بتآمن بشي اسمه الكذبة البيضاء ... و انا بطبعي ما بحب الكذب و كله بعتبره حرام لكن عندها كتير مشكلة
اذا كانت متخانقة شوي مع زوجها و اتصل فيها تلفون كانت تسكره بقلها كيف هيك بتسكريه بتقلي خلص بقول له (خلصت البطارية)
عندها هالكذبات الصغيرة أسهل من شرب الماء !!
طبعاً مو شرط تكون البنت اللي عاجبتك فيها هالصفات لكن انا بحكيلك هالقصة مشان تفكر مرة و مرتين و تلاتة قبل ما تقدم على الزواج ممن تترك فروضها تهاوناً
لو كنت انت متلها كنت قلتلك تزوج
لكن التفاهم رح يكون صعب شوي في حال انها على درجة التزام بعيدة عن درجة التزامك
الأمر الأخير حبيت أعلق على موضوع انه أهلك مو عاجبهم وحدة ملتزمة
سامحني انت اللي رح تتزوجها و لا أهلك ؟؟؟ بالنهاية القرار لك أنت و انت اللي بتعرف شو بناسبك و شو اللي ما بناسبك
صار فيك متل أهلي لكن بالعكس
اهلي يريدون فتاة ملتزمة لأخي و أخي يريدها غير ملتزمة و استحالة الاتفاق
لكن المفروض الشاب هو اللي يحدد قراره لأنه زواج مشروع عمر و بناء اسرة و أطفال و مستقبل ذرية كاملة
مو بيع و شراء و غرض ما عجبك ممكن تركيه و تشتري غيره
!!
الله يخترلك الخير
لا تنسى الاستخارة بعد ان تتخذ قرارك مهما كان
بالتوفيق
__________________
.
.
استودعتك أهلي في سوريا يا من لا تضيع ودائعه
التعديل الأخير تم بواسطة ماريا ; 12-04-2009 الساعة 10:54 AM
12-04-2009, 10:51 AM
ضوابط المشاركة
العرض الشجري