شكي في محله ..
السلام عليكم ورحمه الله وبركاته ..ياناس ليش الدنيا بهالصوره .. ليش الضعف الاسلامي فيناا .. نحن العرب المفروض انكون توب فالاسلام ..ولكن نحن بس نعرف انصلي وبس ..
الدنيا اليوم فيهاا - خيانه - وزنا - وكل الفسق والفساد فيهاا ..
ببدا بقصتي مع زوجي الخائن ..
اعزائي اعضاء المنتدى :
تزوجت والان خمس شهور من زواجي .. 5 شهور والشك يراودني ان زوجي يكلم بنات .. خمس شهور اعاني من زوجي .. احبه ولكنه لا يحترم حبي له .. وفيه معااه ولكن خائن معي .. اعامله بكل حنان وهو ان رد البيت وطبعا في وقت متاخر احط يديه ع راسه يقولي لا تلعوزيني ويرقد .. ماذا افعل تحطمت .. نفسيتي تعبت .. مشاكل من كل صوب وهموم وحزن .. ولكن اللي مصبرني هو ربي وايماني القوي بربي وطفلي اللذي في احشائي.. شيئين فحياتي سبب سعادتي هماا ربي واسلامي وطفلي اللذي احمله في احشائي .. كم اتالم حينما افكر ان زوجي يخووني ..
طريقه اكتشافي لخيانه زوجي :
في يوم من الايام فاجاته وهو جاي من الدوام عند السياره عصب عليه وقالي البسي شيلتج مع اني لابسه الشيله استغربت قلتله انا لابسه الشيله ما اتشوف وبعدين محد فالبيت ..(اعيش مع اهل زوجي ) وهوو في قمه التوتر .. اخذت الاغراض من يده اتصل به احد ما رد على الاتصال سالته عن سبب عدم الرد يقولي مب شغلج .. راودني شك بسيط .. الموقف الثاني كنا راجعين من بيت اهلي للبيت تكرار السيناريوو رن هاتفه ما رد على الاتصال ونفس السؤال والرد مالج شغل .. الموقف الثالث كنت متصله فيه الساعه الثانيه والربع (2:15) فجراا رن رن رن الهاتف وبعد فتره رد على اتصالي احسست انه قلبي قبضني شي غريب ليش مارد عليه من اول ما رن تيلفونه .. ما قدرت انام وهو نايم اخذت تيلفونه اشوف اخر مكالمه اشوف رقم ما عليه اسم يوم هو واصل البيت مسكر من هالشخص بمعنى الساعه (2:33) فجرا وغيره المكالمات المرسله يعني هو متصل ، اخذت الرقم .. في نهايه كل اسبوع اذهب عند اهلي .. ازورهم ونحن فالدرب رن تيلفونه قلب الهاتف وهو بقمه التوتر وعقب يوم شاف المتصل رد وكان احد من اصدقائه ، ويوم وصلنا بيت اهلي بعد رن تيلفونه بس مارد .. ما تحملت هالاشيااء اللي اشوفها الوضع ابداا مب مرتاحه منه .. قررت اني اتصل بالرقم اللي اخذته ، اتصلت على الرقم وطبعا مب من هاتفي من هاتف الخادمه انصدمت انصعقت بنت اترد عليه اسالها انتي منو وشو علاقتج (ذكرت اسم زوجي ) بهالانسان ، ردت عليه انا فتاه اشتغل فبزنس يعني اعرف الكثير من الشباب ، سالتها انا شفت رقمج الساعه (2:33) فجرا في رقم (زوجي) ، ردت عليه انها متزوجه ولديها طفل ويمكن زوجها اخذ رقمها واتصل على (زوجي) فهالوقت .. سكرت الهاتف .. بعد دقايق اتصل زوجي على هاتف الخادمه قلت للشغاله ردي عليه وقصي عليه .. وما قصرت جذبت عليه .. رد اتصل فيني يحلفني براس طفلي اذا انا ما اتصلت فحد يحلفني براسه اني ما اتصلت فحد من رقم تيلفونه .. طبعا جذبت وحلفت .. رد وطلب يكلم امي وانا مخبره امي عن الموضوع .. امي قالتله خير شو مستوي يقولها هاي بنتج ماخذه رقم من تيلفوني وطلب رقم شغالتناا .. انا قلت لامي قوليله ان رقمها مقطوع وما عندها رقم .. اتصلت فيه وقالتله وقالت بعد ليش شو مستوي قالها اونه وحده اتلعوزه (تأذيه).. وانا تصرفت تصرف عادي وبكل برائه والضحكه على شفاتي .. وهو بقمه التعاسه والضيق لدرجه يقولي متى احصل جوازي وانسافر (جوازه فالمحكمه بسبه حادث) .. وعقب يقولي اتصلت فاخويه اساله عن التيلفون وعدلي التيلفون (تيلفونه خربان الحمدلله وكان يحط عليه قفل عشان محد يقدر يلمس تيلفونه ، والتيلفون اللي يستخدمه ما فيه رمز قفل) واليوم كل ما يخطو خطوه يشل تيلفونه على طول خااائف جداا جداا وربي يشهد على كلامي .. وغيره يقولي بشتري تيلفون ثاني .. (يبغي تيلفون ثاني عشان بس يقفل التيلفون ) ..
(سالته منو يتصل فيك قالي وحده اندلوسيه تاذيني)
اتى الى المنزل الان وفي يده هاتف نفس الهاتف السابق ومقفل !
خائن - خائف - لا يعلم ما يفعل .. متوتر .. فكل ربع دقيقه لازم صلب جقاره يدخن .. فكره مشغول ..
رسالتي الاخيره :
والله العظيم هالاشياء والتوتر وشكي وضني وكل هذا ، اشياء مرت فحياتي سابقاا
وحيات غيري .. فعندي خلفيات عن هالمواضيع الحمدلله ..
اني والله فتاه ملتزمه بلبسي المحتشم .. والنقاب .. وكل ما يرضي ربي وهالشي يرضيه ايضاا ..
يجازيني بفتاه الله يعلم من تكلم فتات شوارع والله اني ماارضاها على عمري ..
لازلت بضحكتي معاه ومن داخلي نيران تحرق قلبي .. ماذا افعل ؟ فكرت اني اخبر والده .. زوجي يسمع كلام والده كثيرا .. ووالده يحبني وهو انسان ملتزم وشخص يوثق فيه .. ماذا افعل ..
عاتبوني اذا اخطات وارشدوني الى الطريق الصحيح ..
اسال المولى جل جلاله يان يغفر ذنوبنا جميعاا ويجعلنا من اهل الجنه ..
اللهم لا تدع لنا ذنبا الا غفرته ولا هما الا فرجته ولا دينا الا قضيته ولا حاجة من حوائج الدنيا الا قضيتها يا ارحم الراحمين .
__________________
اللهم احفظ لي زوجي و ارزقنا بالذرية الصالحة
اللهم لا تدع لنا ذنبا الا غفرته ولا هما الا فرجته ولا دينا الا قضيته ولا حاجتاً من حوائج الدنيا الا قضيتها يا ارحم الراحمين
17-05-2008, 02:17 AM
ضوابط المشاركة
العرض الشجري