الاخوان والاخوات الي قالوا تجاهل الموضوع

وخلي اذن من طين واذن من عجين

اقولهم

احبتي هذولا خوالي - يعني صلة رحم - حرام اقطعها -

وانا متعود كل يوم جمعه اخذ الوالد ونروح عند واحد من خوالي ونقضي العصريه عنده - لانهم كبار بالسن

ومن بعد هالمشكله -وانا مازلت اسوي نفس الشي الي كنت عليه

صله الرحم واجبه على كل مسلم


-----------------

د . سطام

اخي الكريم كأنك عايش معي الان -- لان هذا بالفعل مايحدث حاليا - اختلاط وما اختلاط - وكلام اسمعه كل يوم عن بنات التمريض وايش يصير بالمستشفيات

لكن الواثق من اخلاق وادب اهله مايلتفت لهالكلام -

لانه كان طموحي ادخل الطب لكن مالله اراد لي - والحمد لله ربي عوضني بزوجه طبيبه - فمن هذي النقطه راح ادعمها ان شاء الله الى ان تصل لكامل طموحهااا


----------

القناص

الوالدين راضين والحمد لله وفرحانين - لكن المشكله الوالده فرحتها تعكرت بعد هذي المشكله

نعم ماسويت شي يغضب الله ولله الحمد - بالعكس الي سويته شي يرضي رب العالمين - لكن عادات البدو مشكله


-----------------

توتي فروتي

المشكله بدت من خالي الوسطاني - لانه من زماااااااااان من ايام الثانوي وهو يقولي اختار من البنات وانا اقوله مو وقته

وباقي خوالي الثانين قاموا معه

انا مسويت هالشي الا علشان الطف الاجواء واراضيهم - ومستعد اهديهم مره واثنين وثلاثه وعشرين بس اهم شي الرضا علي وعلى امي


بالنسبه لقصة ولد عمك - ماقول غير الله يكون بعونه ويصبره ويصبر البنت المسكينه الي مالها ذنب ابد -

المشكله بولد عمها ماهو برجال لو رجال كان تمم الزواج -

مانقول غير الله يصبرهم على بلواهم - وينتهي الموضوع باسرع وقت


--------------

اختي جينز


والله هالفكره تدور براسي وممكن بنسبه 70 % اسويها اذا مانحلت المشكله عقب الزواج

وصارحت اختي بالموضوع - وشوي تضربني تقولي انت مجنون لاحد يسمعك -

وقالت لي خلني احاول مع خالي يمكن ربي يهديه - نقول امين ياااارب


بالنسبه لي انا واخواني

اللهم لك الحمد والشكر على فضلك ياكريم - الي يشوفنا يقول هذولا اصحاب ماهم اخوان - كل شي بيننا سمن على عسل - مهما صارت من مشاكل احنا زي ما احنا - وهذا الي ربانا عليه ابوي الله يعطيه طولة العمر

حتى نسوانهم مع بعض ومع خواتي كأنهم خوات - وروحتهم للسوق وحده - حتى بعض الاوقات في المناسبات يطقمون سوا ياربي لك الحمد على هذي النعمه


-----------

خيركم لاهله

ام هي اكثر شي احبه على هالارض - ومستحيل ازعلها باي شي - مهما صار ومهما حدث امي هي بالاول دائما -



الا والله سئلت اخوي عن الموضوع - وبالفعل كنت دقيق بالبحث -

وحسب ماوردني من اختي العوده تقول تدرس فيزياء <<< حتى ماتعرف تنطقها - وعلى هذا الاساس ماكنت ادري انها تدرس طب الا بعد الملكه يمكن باسبوعين - لان اخوها سئلني شرايك بدراستها تكمل ولا توقف اذا عندك مشكله ؟؟

وهنا عرفت

هذي السالفه بالتحديد


---------------

اختي زبيدة

الوسيط حبيب قلبي لازم اشاركه بالموضوع

بالنسبه لرسائل الجوال - هي كان اختيارها مافيه مكالمات - ومن هالمبداء احترمت القرار وراضي به

واقسم بالله العظيم صار لنا الان 4 اشهر مخطوبين ولا اعرف رقمها ولا ابي اعرفه الا اذا لمحت

حرااااام عليك ... سيطره ... والله كلهم عسل وحلوين .... وكلهم طيبين ولا سيطره ولا شي


------------


احترامي للجميع