مرحبا حبوبة

ركزي بالكلام اللي بقوله لج ... واقري وراجعي مع نفسج مية مرة

شوفي عزيزتي ... ما في أحد في هالدنيا كلها مشى ورى عاطفته فقط وربح
اسمحيلي اقولك شي ... ثقي وآمني بالله ان اذا الرجل يبي يتزوج امرأة يسوي المستحيل علشان ياخذها لا بتوقف بوجهه مسألة الفرق بالطبقات ولا مسألة ان بأول حياته ولا غيره ...طيب نجي الحين نسأل نفسنا بتقولين أنا متأكدة ان يحبني بس ليش ما تقدملي؟؟؟
شوفي ياخيتي .. الحب أعمى وراح ترفضين تجاوبين نفسك على هالسؤال بصراحة ... الجواب لأنه متردد .. صدقيني عاطفته ناحيتك تعود يعني تعود عليك بأي وقت يقدر يكلمك واثق انج ما بتتركينه ..والدليييييل ان قالج ( اختيارك لهذا الرجل صحيح ) ويمثل دور المجروح...حبيبتي انتي هم وانزحتي عن قلبه ... آسفة على قسوتي بالتعبير بس هذا واقع الحال بدون أي مكياج أو رتوش

شغلة ثانية ...انا أشجعج على اختيارج للرجل اللي هو خطيبج الحين ... ابدي حياتج صح معاه وحطي الماضي بصندوق وقفليه وقصيه بسابع بحر ... واذا حسيتي انج بلحظة بتضعفين التجئي لرب العالمين وقوليله يارب رميت همي بحضنك ساعدني وشد على قلبي وثبتني ... وصدقيني بتلاقين ربنا شاملج بعطفه ورحته اذا اخلصتيله النية

عطي نفسج فرصة ولا تبجين عالأطلال ... في رجل ممتاز ناطرج ومقدملج مستقبل انشالله يكون ممتاز على طبق من ذهب.

ملاحظة أخيرة : الرجل اللي هو اسمه حبيبج لما درى انج بتنخطبين على الأقل كان حرك نفسه وتقدملج اذا صج يحبج.

قطعي علاقتج فيه وعيشي أحلى فترة خطوبة وعطي خطيبك فرصة عشان تحبينه وعسى ربي يوفقج.:14:

__________________