السلام عليكم .........
بصراحه انا اعاني من مشكله و ابغي مساعدتكم
انا بنت عمري 19 سنه و على وشك اني ادخل الحياه الزوجيه بس مو هني المشكله مشكلتني اني خجوله لدرجه كبيره و فوق ما تتصورون


على سبيل المثال : لما تقدم لي خطيبي و وافقت عليه خطيبي طلب من اهلي انه يشوفني و هذا حقه و اهلي ما عارضو على العكس ابوي كلمني بس انا الي رفضت الفكره بشده و ابوي و امي حاو لو انهم يقنعوني بالموضوع بس انا ظليت مصره على موقفي فضطر ابوي انه يراوي خطيبي صورتي الي في الجواز

و الشي الثاني : انا الحين قاعده اتزهب حق العرس و كثير ما اظهر و انا و خواتي عشان اتشرى حق العرس
و كثير ما اختلف معاهن في موضوع اللباس الي بلبسه قدام زوجي ......... و على فكره انا للان ما شريت و لا قميص نوم
و لا افكر اني اشتري..........


و الشي الثالث : انا لما افكر مجرد التفكير ان زوجي راح يمسك ايدي او اني راح اشاركه بنفس الغرفه و اني اننا راح نكون و حدنا بشهر العسل احس بالتوتر و الخوف و طبعا الخجل



و لما خواتي يتكلمن معي عن الحياه الزوجيه و وش اهي واجبات الزوجه لزوجها و ان الزوجه لازم تسمع زوجها كلام حلو
و ان الزوجه لازم تريح زوجها ....ان الزوجه لازم تسوي جذي ...... و جذي .........جذي

اخاف من اني ما اقدر اسوي ها الاشياء كلها بسبب خجلي الزائد و اظلم زوجي
انا بودي ان زوجي يكون معي مرتاح ومستانس


عشان جذا تغلبت ها المره على خجلي و طرحت مشكلتي عليكم لاني ما اقدر اقول هالكلام لاي احد من اهلي

و انا اطلب منكم المساعده

و ابي اعرف من اهل التجربه .........هل من الصعب على الحرمه انها ترضي زوجها؟ ........ و كيف اتغلب على خجلي؟

و احب اسئل الناس هل خجلي هذا طبيعي و بختفي .........
و لا انا انسانه غير طبيعيه


من فضلكم افيدوني انا انتظر ردودكم

انا فعلا في مأزق و ابغي منكم العون



الاشراف / تم تعديل العنوان ليكون بالفصحى

الاشراف /عفوا :يرجى الابتعاد عن اللهجات المحلية قدر الامكان ..ولكم جزيل الشكر