عزيزتي دلوعته
من خلال كلامك وردودك واراء الاعضاء لاحظت انك انتي خجوله جدا
مو سالفة ما تبين تعطينه لانك ماتحبينه او خايفه
الموضوع منتي قادره من خجلك لسى ما تجرأتي معه ..انا اشوف ان 7 شهور كويسه جدا لان تكوني تعودتي عليه خلاص بس الظاهر هو عنده حق يزعل منك لان طول هالفتره انتي ما اعطيتي الفرصه لنفسك انك تتجرأي ولا حتى حاولتي وهالشي من حقه يزعل عليه لاكن هو الله يهديه بدل ما يساعدك وياخذ بيدك ويقربك منه بإسلوب أخذها جد
حبيبتي ..انتي طبعا عارفه حدودك زين مو محتاجه احد يقولك ..لاكن خفي شوي من الخجل انتي بنفسك حاولي تتقربي شوي شوي يعني مره انتي من نفسك اجلسي جمبه ..مره امسكي يده هذي البدايه وصدقيني بينبسط ان هالشي صدر منك ورح يلاحظ انها بدايا وممكن تتطوري بشكل تدريجي الى ان يصير شي عفوي ومعتاد بينكم وينكسر الحاجز الخجل منك .. وبكذا ساعدتي نفسك وأرضيتيه كمان
بعطيكي قصه صارت مع اخوي صديقتي...
اخوها كان مملك على وحده حلوه وجميله ومثقفه وماشاء الله عليها كانت هي بمنطقه وهو بمنطقه يعني الزيارات محدوده فكان يكلمها كثير وعلى فكره هو من النوع ابو دم خفيييف ..لاحظ برودها معه فشك انه خجل حاول يناغزها بالكلام والمزح يبيها تتجرأمعه مافي فايده..ثقل عليها شوي ما يكلمها.بعد الحال على ماهو..فأرسلها مسج مره من المرات بعد غيبه يومين قالها فيه (اعرف انك الحين منتظرتني و تحاتيني ومنشغله علي ومشتاقتلي وهالشي من زود حبك لاكن اليومين الي فاتو انشغلت لظروف خارجه عن ارادتي والحين عدت والحمدالله ..متى ماناسبك دقي..) طبعا هالشي من اختراعه لافي ظروف ولا شي يبيها تطلع شي ولو كلمه...عارفه ايش سوت وكان سبب لفسخ الملكه
ارسلتله مسج والله انا احبك واكيد احبك بس حب عادي مو جنان..وبالطبع اشتاقلك كمان شوق عادي...وانتظرك لانك اشغلتني بغيبتك بدون ما تذكر اسبابها وهالشي طبيعي..هنا حطمته حس انها جديييه جدا رغم محاولاته..فانتبهي حبيبتي على زوجك لا تغيري فكرته عنك بانك جامده معه...
والله يوفقك يارب ويسعدك ويخلي ايامك كلها عسل بعسل ..وعقبال الليله الكبيره يارب