انا متزوجه من فتره قريبه .. وااايد أثق في زوجي وهو بصراحه قد الثقة ... بس تعرفووون خفة عقل البنات عاد ..

أنا متعوده افر موبايل زوجي فر .. يعني أقرأ مسجاته وغيره واشوف الأرقام اللي عنده ... عادي يعني وهو ما يقولي شيء ...انا ما اسوووي جذي من باب عدم الثقه لا بس من باب الفضوووول ..

في يوم زوجي كان راقد وأنا يالسه بروحي طفرانه كان اخذ موبايل ريلي وقلت خلني امارس هوايتي المعتاده ..

المهم لقيت 3 مسكولات من رقم غريب ... ما اهتميت قلت واحد من الربع .. بس وانا اقرأ الأرقام المخزنه في موبايل ريلي لقيت نفس الرقم مخزن بس بدون اسم .. افتر راسي زياده ..

سرت دقيت على الرقم من موبايل ريلي اوني ابي اعرف ريال والا بنيه ( شووفووو الشيطان )
والساعه كانت 2 في الليل رد علي ريال قال الووو سرت قفلت في ويهه ومن خوفي مسحت الرقم ورديت الموبايل ..

نش ريلي ثاني يوم وسار الدوام ورجع من الدوام ... ويوم صرنا المغرب وانا وياه يالسين يلسه رومانسية دق نفس الرقم ورد ريلي ( طلع ربيعه العزيز )( قلت بيني وبين نفسي انزين ليش مو مخزن اسمه ) وقاله ربيعه طبعا انت دقيت علي الساعه 2 في الليل ( وريلي راقد ومحد غيري وغيره في البيت يعني منو دق أنا ) ريلي عصب علي ( بس انا ما اعترفت ) قلت له انا شو دراني برقم ربيعك عسبت ادق عليه ( ان مكرهن عظيم ) بس ريلي عطاني نظرات ما ابي غيرها ويلس يوم كامل ما يرمسني ( وانا بعدني على رأيي ما اعترفت ) مسكين ريلي حاول يقنع عمره ان ربيعه يمكن مغلط ورجع يكلمني عادي ..

الحين مرت على السالفه 3 اسابيع كل ما اشوف موبايل ريلي اخاف امسكه .. الصراحه ريلي أدبني عدل

الله يقطع سوالفك يا بحر الأحزان..
أش خليتي للحريم اللي يشكون في رياييلهم..
واللي صايدين رياييلهم اكثر من مرة..

عشان ينسى الموضوع نهائيا لا تفتشين في جواله.. خصوصا قدامه..

وفقك الله..

هههههههههههههههههه

الله الشيطان يلعب بالنساء على كيفه

حبيبتي المره الجايه خوذي الرقم ودقي بالنهار من موبايل ثاني ياذكيه << خوش نصيحه

اقول احمدي ربك ان زوجك ماسو فيك شيء ثاني لكن طلع ما شاء الله عليه عاقل

__________________
سبحان الله وبحمده

ههههههههههههههههههههههههه ضحكتيني


واكابتيني لانه لسه عزابيه

أية كذا حريم ماتمشي معاها الا العين الحمراء

بس اياك تعيدينها المرة هذا نظرات المرة الجاية يعني خليكي سنعة على طول

بالتوفيق يالغالية00

__________________
(( سبحآن الله وبحمدة سبحآن الله العظيم ))

أصلا صرت ما امسك موبايله من الخوف والله

ههههههههههههههه ياحبي لك يابحر الأحزان

اصلا حركتك واضحة .. كان دقيتي من بكرة ومن موبايل اختك أو أي احد ثاني << تخربك زيادة

بس انت دقيتي من موبايل زوجك يعني مبين هههههههههه

خلاص تأدبي وحاولي تبتعدين عن هالتصرفات تراها متعبة

__________________
اللهم لك الحمد والشكر
"ولئن شكرتم لأزيدنكم"

لا ان شاء الله مافي مرة جايه اتأدبت خلاص

اصلا من الذكاء الزايد اللي فيني قلت خلني اتصل من موبايل ريلي .. خفت الصراحه اتصل من موبايلي لا انكشف 100% وبعدين كان الوقت بالليل وبروحي في البيت ومتحرقصة ابي اعرف موبايل منو