السلام عليكم ورحمة الله وبركاته



الى جميع اعضاء هذا المنتدى الغالي اتمنى ان تساعدوني فمشكلتي كبييييره مايعلمبها الا الله



بسم الله نبدا ....



اخوي شاب الحمد لله ملتزم وعمره 26 ونفسه يتزوج الحمد لله مقتدر بدا البحث الطويل وعلما ان شروطه مثل شروط اي شاب ملتزم يخاف الله ويبغى فتاه تعينه على طاعه الله 0 وكان من اهم شروطه التالي : 1_ ان يكون عمرها مايتعدى الـ 25 والشرط الثاني انها ماتسمع اغاني هذا اهم شرط عنده بدانا البحث طبعا كل اللي يقربولنا سبحان الله اكبر من اخوي او بنفس عمره واضطرينا للبحث من خارج العائله لاكن للاسف كل مالقينا ياانها تسمع اغاني او انها ماتبغى واحد ملتزم

الصدمه الكبيره اللي اصابت اخوي انه قبل فتره رحنا لناس ولقينا عندهم بنت وما شاء الله تبارك الله كل اللي يبغاه اخوي وسالتها امي كم عمرك قالت 25 وبدات امي تتكلم مع الناس وقالتلها ولدي صغير والحمد لله ملتزم ويبغى واحده تعينه على الطاعه المهم رحبو فينا وفرحنا فرح مايعلمبه الا الله المهم قالت امها يقدر يشوفها سبحان الله ربي يريد ويتصل واحد من اخوانها على اخوي ويقله لازم اقابلك وراح اخوي وهنا بدات الصدمه الكبييييييييييييييره

قال لاخوي احنا سالنا عنك والكل مدح فيك وماراح نلقى احسن منك لاكن باقلك بكل شي وادى اخوي ورقه قله اقراها لمن قراها اخوي طلعت صك طلاق طبعا اخوي تفاجا وساله هذا لمين الصك قله لاختي اللي بتتزوجها ملكت قبل سنتين وزوجها طلقها قبل مايدخل عليها ساله اخوي ليش قله مافي اي مشاكل بيننا لاكن الرجال عنده حاله نفسيه واحنا ماسالنا عنه
والصدمه الثانيه : طبعا اخوي بعد ماشاف صك الطلاق حس ان في امور ثانيه لسا ماقالها 000 قله اخوي ممكن اعرف هي من مواليد عام كم ؟؟؟ لمن جاوبه طلعت اكبر من اخوي بسنه هي عمرها 27

طبعا اخوي ماحب يكون في مشاكل بس قله خليني استخير واردلك خبر


المهم ان اخوي حالته تحزن ماحب يبين لنا اي شي لاكن قال مالي نصيب فيها اتصلو على اهلها وقولولهم ان الولد استخار ومالله اراد


زبده الموضوع :: معقول وصل الغش والتدليس الى هالحد ؟؟؟ معقول مافي بنت بسن العشرينات ماتسمع اغاني ؟؟؟ معقول البنات مايبغون الملتزم ؟؟؟؟



ارجوكم لاتبخلون على بردكم والله اخوي كاسر خاطري اللي يدخله وماعنده رد على الاقل يدعيله بالتوفيق

__________________

لاأطمع في شهرة ولا ترشيح أطمع في حسنة لوالدي بكل مشاركة ، يارب العالمين

سبحان الله الا فيه بنات خير وصلاح وذوات اخلاق وبعضهم في 17 و18 سنه

واخوك بيلقاء من بنات الاجاويد والصالحين الخير الكثير

بنسبه للي خطبتو ا فانا اشوف ان ما فيها شيء اكبر سنه او غيره المهم الدين والصلاح

خليه يتكل على الله واسالوا في مدارس التحفيظ عن البنات

الله ييسر امره ويثبته ويكفيكم الشر


اختك /لي مشاعر

__________________
يا مرحبا .. نورت المنتدى بوجودك .. حياك الله

سبحان الله وبحمده

تلاقون ان شاءالله بنات الأجاويد كثر الله يحفظهم

روحوا مراكز التحفيظ مثل ماقالت الأخت و روحوا الندوات و المحاضرات و بتلاقون اللي تبون ان شاءالله


بالتوفيق

__________________
abo_osama

السلام عليكم ورحمة الله وبركاته ///


الله يعين أخووووك ,,,, العمر يا أختي مو مهم إذا كان الفرق بسيط ,.,.,

أنا شخصياً مملكّ قبل شهرين من بنت أكبر مني بسنتين تقريبا 27 والحمد لله ,.,., ( العمر مو مهم إذا كان الحب يسيطر على كلّ شي )

خليه يتريث .,.,., هو النصيب من عند الله .... البنات وكذلك الرجال في هذا الزمن كلّ ما كبروا كلما كانو أنضج وأنسب ..





لازم تجلسيـــــــــن مع أخيك وتفهمينه ........... وأهم شي تصفية النية في الزواج ,.,.,





الله يوفقه ويرزقة الزوجــــــــــــــــــــــــــــة الصااااااالحة والحنوووووووووووون ,’,’,’


أخيك /// عبدالرحمن

__________________
عبـــد الرحمـــــــن
الله لايحرمني منك يا عسى عمرك طويل ياللي كلّ الناس عندي ما يساويهاا غلاتك
((دنيا القوي فيها حكم خان المبادئ والقيم لو يدري أن الله وراه مايووووم في عمرهـ ظلم))

1 - إيش ذنبها إنها كانت مملكة من قبل ؟؟؟؟
ليه كذة نظلم البنات ..؟؟؟

و لو كان شاب و مملك من قبل قالوا الناس ( ماله نصيب ) ؟؟؟
و لو بنت و مملكة من قبل ( طلعوا فيها مية عيب ) ؟؟؟
و أخوك ملتزم ، و كان الأولى برأيي إنه يفكر بتفكير أكبر من كذة ؟

2 - بالنسبة للعمر فمانقدر نتكلم ، دام هو نفسه بشئ ؟؟؟؟

لكن البنات اللي بالعشرينات و ما يستمعوا للأغاني كثيييييير

الله يوفقه ويرزقه من تخافه وتتقيه
كما قيل في المشاركات السابقة فعلا دور التحفيظ مليئة بالبنات المحافظات
الله يستر علينا وفعلا اتى الاسلام غريبا وسيعود غريبا

عزيزتي

خلي اخوك يدور على العروس وراح يلقى، مواصفاته مو صعبة بالعكس مواصفات عادية وفي كثير يتمنوها وما دام مركز

على التدين فأكيد الله راح يوفقه في زوجة صالحة

اختي
لو كان اخوك متدين فمسالة العمر مامشكلة اقتداء بالرسول(ص)بزواجه من السيدة خديجة رضي الله عنها اما مسالة الاغاني اعتقد دي مسالة اتفاق بينه وبين البنت البرتبط بيها يعني ممكن يلاقي بنت تسمع اغاني وتبطلها عشان خاطرة اعتقد في مواصفات اهم من سماع الاغاني يفترض ان يبحث عنها وسيجد بنت الحلال فهم كثر
ربنا يوفقه باذن الله

اختي ليه التدنيس والغش؟ طيب هالشي خارج عن ارادتها يوم انفصلت!!

وانا مارى فيها عيب كونها نملكت وانفصلت عادي تظل بنت

لكن يمكن نقطة العمر.. اذا ماهو مقتنع يعتذر لهم

ودورو الله يعينكم.. وياكثر البنات الللي يبغون ملتزم

الله يسهل على اخوك وييسر له ان شالله ويرزقه الزوجة الصالحة

__________________
اللهم لك الحمد والشكر
"ولئن شكرتم لأزيدنكم"

"اختي ليه التدنيس والغش؟ طيب هالشي خارج عن ارادتها يوم انفصلت!!

وانا مارى فيها عيب كونها نملكت وانفصلت عادي تظل بنت

لكن يمكن نقطة العمر.. اذا ماهو مقتنع يعتذر لهم

ودورو الله يعينكم.. وياكثر البنات الللي يبغون ملتزم

الله يسهل على اخوك وييسر له ان شالله ويرزقه الزوجة الصالحة
"

انا من راي شو بارد والله يوفقه ويلاقي بنت الحلال الي تناسبه