أختي الفاضلة

أنا أوافق حائرة الأمل برأيها
انتي تعدي صغيرة لتكوني زوجة ثانية .. لاتدعي زواج أختك الصغيرة دافع ليجعلك تضحي وتتنازلي لتكوني زوجة ثانية.. ثم ان أختك قد تزوجت وانتهى .. يعني تعودتي على ذلك .. تمهلي ثم تمهلي .. فالمركز المرموق ليس سببا للموافقة .. انتي لاتعرفين أن الزواج حياة كاملة ومستقبل .. ولاتدرين السبب الحقيقي وراء تطليقه للأخريات قد يكون عنده عيوب .. وبالطبع لن يخبرك ان السبب هو .. تريثي قبل الموافقة ..
إذا كنت محتارة وخائفة إلجأي إلى الله فلن يخذلك بإذنه تعالى وصلي صلاة الاستخارة مرة ومرتين وإذا كنتي بالمرة الأولى لن تحسي بشيء بعد الاستخارة فسأنصحك بطريقة للصلاة لتري رؤيا بعد الصلاة قبل صلاة الاستخارة عليك بقراءة سورة الفاتحة مائة مرة وانت جالسة عسجادة الصلاة ولاتكلمين أحد وأنتي تقرأين الفاتحة ثم صلي ركعتان الاستخارة ولاتكلمي أحد بعد الصلاة ونامي .. ويفضل أن تصليها بالليل
أنا جربتها أكتر من مرة وكنت كل مرة أرى رؤيا بموضوع الصلاة
بتمنالك التوفيق والسعادة
أختك
رحيل دائم

الأخت العزيزة..يرجى منك تحرير توقيعك في العاجل لأنه مخالف

اشكر كل من قام بالرد على موضوعي..

عزيزتي رحيل..لقد فعلت ما نصحتني به اثناء الاستخاره..ولاحظت اني اثناء ذكر التشهد بأني قد نسيت بالفعل جزء منه حتى انني لم استطيع ان اتذكره الا بعد ان اعدته فاتحته اكثر من مره..ولا ادري ما السبب في ذلك..(لاول مره يحدث لي ان انسى )..وووحتى الان لم اشعر بشي ولكنني ساكرر الاستخاره..والله ولي التوفيق

صح كلام الاخت حائزة الامل ليش طلقهن وبرغبتهن وامراتين اكيد شي سبب وراء ذلك والانسان ما يعرف الشخص الثاني الا اذا عاشره اما الناس ما يعرفون الا الظاهر وما خفي اعظم حبيبتي اذا تقدرين توصلين للنساء الا طلقهن وتسالين عن السبب احسن عسب تتطمنين واذا ما ترومين فاستخيري والله بيقدم لج ما فيه الخير والصلاح .

تحياتي اختج
نونو الحلوه

انا اضم صوتي الى صوت اختي ((حائزه الامل)) اتمنى لكي حياه سعيده

__________________

صباح الخير..
الاخت نونو تسلمين على مرورك..والاخ الاب الحنون كذلك..
وضحت لي الخاطبه اسباب الطلاقه وهو ان الزواج الاول كان تقليدي من قبل الاهل..يعني بنت عمه انجب اطفال منها ولكن وذلك رغبه ورضاء للاهل في سن صغير..وعندما اراد الزواج باخرى طلبت الطلاق..اما بالنسبه للزوجة الثانيه فكانت سيئة الطباع غير مطيعه..لم يتحمل العيش معها ولكنه لم يطلقها الا بعد طلبها ..موضوعي محير لدرجة انني لا اعرف ما اريد ..ولكن لعل ردودكم ترشدني للقرار السليم..بعد الاستعانه برب العالمين..

اختي الحبيبه ... انا كنت متزوجه من رجل مدحوه لي لين الراس .. كان متزوج و طلق لانه زوجته طلبت الطلاق .. و سوووه حقي الكامل و الكامل الله ... دكتور و عنده وايد وايد واااااايد شهادات غير الطب .. قالولي كلام عن زوجته الاولى انها مو زينه و كلام يشيب الراس .. و الوالد كان متردد و لكن الكل يتكلم عن سيرته الحلوه ف قالي الوالد دكتور و ليش لا سيمه و قميه .. انا وافقت على اساس الي قالوه عن زوجته الاولى من تشويه خلاني اقول حرام انا ابي اعوضه و ابي اسمع كلام اهلي .. و بعد الموافقه اكتشفت انه انسان صعب المعشر كلش .. بما معناه ما ينفع لا اهل ولا سيمه و قيمه لانه العشره غير .. تزوجته و عمري 25 عقدني و داسني كثر المقدره ما قدرت اعيش وياه اكثر من خمس شهور 10 ايام عنده و الباقي عند اهلي .. حتى الضرب المبرح لقيت منه .. لا تقولين شهاده ولا منصب الي مو نظيف و عقله مو سليم لو شنو جاب شهادات اهوا جامد من الداخل المنصب مو مهم كلش .. طليقي كان يبي وحده اقل منه اب كل شيء على شان يدوسها ... لمن قريت الي كتبتيه انه زوجته الثالثه ما تجيب اطفال و اهي بس الي بقت على ذمته قمت افكر وايد يا اختي ... اهيا ما طلبت الطلاق لانه ما عندها شيء تخسره اكثر و ما تدرين اشلون قاعد تعيش ... الزواج مو غصب و انتي بنت ف ليش تتزوجين رجال عنده اولاد باجر يورثون حلال اولادج !! ما فكرتي باجر ممكن يطلقج انتي هم لانه مل منج او ما سمعتي كلامه اب شغله معينه ؟ ما فكرتي يا اختي منصبه ماثر عليه و يبي الكل تحت رجله و الا فلا !! ... اختي انتي 25 شنو معجلج ؟؟ الزواج تره قسمه و نصيب انتي ليش مستعجله بعدج حيل صغيره و ليش زوجه ثانيه !! ما تعرفين سلبيات الزوجه الثانيه اختي !! في شيء اسمه عقل مو بس ابي اتزوج او انا كبيره الحين ... اختي انا اعرف وحده تزوجت و كان عمرها 44 انتي شنو معجلج على عوار القلب .. مع هذي النوعيه من الرجال ماكو شيء اكيد و انتي اب بر الامان ليش تقطين روحج اب متاهه مالها داعي ... يمكن الحين صعب الاختيار بس الطلاق اصعب وايد تره . مافيها شيء اذا اهلج يعطونج رايهم لكن ما يبيعونج على شان شهادة رجال ..لانه الشهاده اهيا اخلاقه مو هذي الورقه الي يجيبها اشفه اختي اذا كنت ثقيله او صريحه حيل اب ردي بس فتحي عينج و لا تغلطين غلطتي تره انا ما كان عندي احد ينصحني و انا الحين اشوف وحده تمر بالي مريته لا تضعين نفسج ... الله معاج اختي
اختج بني

ما يحتاج تتحيرين اذا مو متاكده من شيء لا تسوينه اختي ..اب هذي الامور اذا مو واثقه لا تمشين خطوة (لانه ساعات الوحده تثق و ما يصير فما بالك بالي مو متاكده)... اختي لو بنت الكل ايلج بس الطلاق يصير حيل صعب و بعدين صج اتمين وحيده

اختج بني

اختي بني كلامج وايد اثر فيني..
وانا احس ان هذا هو عين العقل بس امي تحسسني اني راح اخسر شي كبير وتقولي الرجال مافيه عيب وابي اشوف عيالك ومن هالكلام...
والله نفسيتي تعبت من كثر التفكير..
مع ان الي تقدموا لي قبله ثمانيه بس كنت ارفضهم عشان دراستي..والحين بعد انتهائي من الدراسه قررت اني اختار شريك حياتي وهو جاء في وقت مناسب..رغم ان ماضيه غير مطمئن..
محتاره والله..الله ينهي الموضوع على خير ويسرلي الامور لو كان خير لي ويصرفه عني لو كان شر
احس اني استسلم مادري ليش هالاحساس

اوافقك الراى واود ان اضيف لعل سبب عدم الانجاب منه كونه تزوج ثلاث مرات ولم ينجب

بصراحه أثر موضوعك فيي .. وجلست أفكر وأقرأ الردود بس راح أقولك حاجه لا تسوي حاجه مو مقتنعه فيها 100% ولو عندك ذره من التردد لا تقدمي على خطوه راح تندمي عليها هذا زواج مو لعبه ...... وصحيح هو رجال متعلم ومثقف وووووو بس شوفي عيوبه متزوج 3 مرات وعنده أولاد ومطلق مرتين واكبر منك بحوالي 10 سنوات وإنت لسه صغيره 25 سنه لازلت صغيره على قبول رجل بهذه المواصفات ... لا لا لا وألف لا وحتى لو كان عمرك 35 لا تتنازلي في مسأله الزواج ولا تتزوجي لمجرد الزواج .................

لا تقولي(((( أمي تحسسني إني راح اخسر شي كبير )))) إنت إليي راح تتزوجي بعدين لو صار طلاق لا قدر الله أمك ماراح تنفعك أبدا ......... اسمعي كلام قلبك وعقلك أيضا ولا ترضخي أمام توسلات الاهل وكلامهم واصرارهم ...


أتمنى من الله أن يهديك للجواب السليم والتوفيق ويرزقك برجل شاب وأعزب

__________________