السلام عليكم ورحمة الله وبركاته

تحية طيبة الي الجميع

جئت إليكم لابث ما يختلج في داخلي علّي اجد اجابة لسؤالي
- هل انا طبيعية ؟؟
- وهل ما اقوم به يعتبر امر مقبول ام هو من المبالغة التي لا بد من وضع حد لها ... !!!!!

بداية انا زوجة عاملة اي اننا نستيقظ صباحا ويذهب زوجي الي عمله وبعده بساعة اذهب انا لعملي ثم اعود في الساعة الثانية ظهرا في حين انه يعود في المغرب منهك ومتعب ..

عندما اعود من العمل ابدأ بتنظيف وتجهيز البيت والغذاء واعد الدقائق والثواني وانا انتظر عودته بشغف مع تهيئة البيت (( فواحات وشموع اضاءات خافته بالإضافة إلى كوب عصير )) علىّ استطيع ان انسيه تعب وألم العمل , ولم ينجح ذلك

متفادية الخوض في اي مواضيع حتى يحصل على الراحة وومن ثم يبدل ثيابه.. مع اني اكون مليانه كلام ومواضيع وانفجر ابغى اتكلم ..

ثم ابدأ بعد ذلك في اعداد الغذاء او العشاء (( زي ما تحبوا سموها )) وطبعا يكون امام التلفاز والواحد مشغول مو قادر يوفق بين الكلام والاكل

بعد الانتهاء من الطعام اقوم بتنظيف الصحون في حين انه يقوم هو باستخدام الكمبيوتر المحمول
حينها تصبح الساعة 10 أ و اكثر اما ان يخرج مع صديقه (( يوم او يومين في الاسبوع فقط )) او ان نذهب الي بعض المشاوير او نشاهد التلفاز ثم نذهب للنوم مع ملاحظ انه يقوم باللعب على الكمبيوتر قبل ان ينام وانا اصير كدا

اما في يوم الاربعاء عادة ما نخرج الي احد المطاعم العائلية او المولات اما يوم الخميس يقضى النهار كله في النوم والليل لدي اصدقائه اما يوم الجمعة يقضى النهار ايضا في النوم وفي الليل نقوم بالمشاوير اللازمة من مقاضي وحاجيات ثم نعود الي البيت ...

احس اني اشتااااق له كثير واشتاق اجلس معاااه واتكلم واسووولف واجلس جلسة حبيبين ولو مرة في الاسبوع ....

واذا قلت له اني اشتاق لك يقولي انا معاك طوووول اليوم وقدااامك

لاحظت من كلامك انكم تطلعوا تقضوا مشاوير كثير مع بعض يعني اثناء هالمشاوير تكونوا ساكتين؟
اكيد فيه كلام بينكم
قولي له كل اللي بقلبك .. الكلام بين الزوجين مو كلام حب وغرام بس كلميه بمواضيع مختلفه خليك صديقة له
الصداقة شي رائع بين الزوجين

السلام عليكم..
أختي ..ماشاءالله الله يخليلك زوجك..من كلامك يعتبر بيتوتي ...أكثر الرجال يطلعون يوميا يسهرون بالساعات مع اصحابهم ...يعني بيدك وقت كبير تستغلينه عشان تعبرين عن كل مشاعرك
وبخصوص الكمبيوتر ..لاتزعلين أبد أبد.. من أبسط حقوق الإنسان انه يمارس هوايه لبعض الوقت .. او يقضي وقت مع نفسه سواء عند تلفزيون او عند كمبيوتر او فقراءة كتاب ...هاذي طبيعة البشر كل إنسان محتاج مساحه من الحريه .. وحسب ماكتبتي زوجك ماياخذ وقت طويل جدا ..او الوقت اللي ياخذه لنفسه مايأثر على مسؤلياته تجاهك وتجاه بيته ...
بس يمكن فرق التوقيت فالعمل بينكم هو السبب... انتي تكونين نوعا ما ارتحتي ساعات .. لان شغل البيت مهما كان بيكون أريح من ساعات برا ... تكون خلصت طاقته للكلام وانتي ادرى الناس بزوجك

وإذا مصره انه يسمعك...حاولي إن كلامك يكون جذاب ومحبب للنفس قد ماتقدرين
وسوالف الشغل او اخبار الاهل خليها بينك وبين خواتك او صديقاتك... يعني مافي مانع تكلمين صديقتك قبل يجي ربع ساعه وتطلعين كل اللي فقلبك من حكي لان احنا الحريم كلامنا مايخلص
وشوفي زوجك عادة وش اللي يجذبه من كلامك وركزي عليه ...
أما بالنسبه لشوقك ومشاعرك ان شاء الله تكون واصله ..ماشاااء الله عليك دامك تجهزين اكله وتعملين على راحته اكيد مقدر هالشي ...
وفي حركات كثير فالمنتدى تقدرين من خلالها توصلين احساسك مو شرط كلام شفهي ...
مسجات جوال ... ايميل ترسلينه له وبدل ماياخذ وقت بينه وبين نفسه على الكمبيوتر ... تاخذين وقته بكلامك الحلو وعباراتك المنسقه ..مع ان شكلك رومانسيه ومو محتاجه احد يعلمك هالحركات ...

لكن لازم تقتنعين انه يحتاج مساحه من الحريه وهذا الشي من صالحك مو ضدك...
الله يديم لك زوجك ويديم الحب بينكم ..ويرزقك الذريه الصالحه اللي تشغلك عن ابو العيال

اخت ريما .. حاولي انك تصارحيه وتقولي له .. ولا تخجلي منه.. قولي له او اقترحي عليه انكم تخصصوا يوم واحد في الاسبوع لكما انتما فقط.. تقضونه في التنزه أو القيام بهوايه مشتركه بينكما.. او تتكلموا مع بعض .. الخ

حاولي تقولي له واكيد بتعجبه الفكره..

عادي اختي انك تشتاقين لزوجك وهو قدامك
خاصة اذا كنتوا باول سنه او ثاني سنه زواج

__________________
كلما عظم شأن الزوجة دل ذلك على نبل زوجها وعظيم خلقه

الاخت فاتن :
بالعكس المشاوير بيننا قليلة وغالبا ما تكون قصيرة يعني حتى الواحد ما يلحق يفتح موضوع الي تكون واصلين المكان الي نبغااه او يكون معانا شخص ثالث في السيارة ..

الاخت جمرة :
شكرا على ردك وانا معاك و أؤمن بالحرية
لكن الشيء اللي محد قادر يستوعبه انه زوجي يكون 12 الي 13 ساعة برا البيت يعني مساحة الحرية عنده اكبر من اي حاجة ثانية
والوقت المتبقي مقسم بيني وبين النوم والتلفزيون والكمبيوتر والاكل والصديق والراحة بعد العودة من العمل وهذي وحدها تأخذ ساعة والنوم عادة ينام الساعة 1 الليل ونص ساعة او ساعة إلا ربع في المسجد (( صلاة العشاء)) احسبوا واذا لقيتو تقسيم مناسب عطوني خبر لاني ما لقيت تقسيم يناسبني

بالنسبة للحركات عملت بعض من الحركات لكن كانت درة فعله ولا كأن حاجة صارت
وقد قرأت عن حركة في احد المرات وهي عبارة عن كتابة اوراق على شكل قلب تحتوي على كلمات حب وغزل ولزقها في اماكن عشوائية حتى اني الصقت له في الثلاجة ورقة وفي مرايا الحمام (( اكرمكم الله )) ...
ولكني لم اجد أي ردة فعل ولا تعلليق ايضا !!!
وظلت الاوراق في مكانها وقمت بجمعها وانا مصابة بخيبة امل .

الاخت alex_toldo2002
هذا بالضبط ما قررنا عمله لكننا نضطر في بعض الاحيان الي ان ننضم الي اشخاص اخرين وتكون النتجية وكأنك يا بوزيد ما غزيت


شكرا على مرورك اختي تولة عود


أخيـــرا :
اللي يده في الموية مو زي اللي يده في النار
والظاهر انه مافي حل غير اني اسّيير اموووري على ما هي عليها . مع اني اخاف بكرا ان شاء الله لمن نرزق بعيال اننا ما نلاقي وقت نشوف فيه بعض

ما شاء لله على على الاخوان ماخلو شي ياريمه بس راح اقلك تري الرجال مثل الطفل يحتاج من يلفت نظره وهذا مثل طريقت زوجتي وياي الفتت نظري لها وخلاتني افهم وش تبي









ارجو الانتباه . كلمة ( ماشاء الله ) تكتب على الصورة السابقة . شكرا

أختي المشكلة بين الرجل والمراة هو عدم فهم لغة الاخر أنتى تقولين أنك تشتقين له وهو فهمها على أساس أنه لازم يجلس معاكي وقت أطول وأنت قصدك على ما أظن أنك أشتقتي لدله ودلعه لكي والكلام الحلو اللى كان بينكم .
أختي لازم تعرفي أن الحب مو واجب الحب عطاء من القلب وهذا العطاء يتأثر بأشياء كثيرة منها المشاغل وصعوبة الحياة والعمل ولا تنسى ان الدنيا في الخارج قتال خصوصا في العمل واكيد أنت عارفه ها الشي خصوصا أنك تعملين .
أختي ما ادري هل حاولتي أنك تبدئين ؟؟!
يعني تكتبين رسال حب وتضعيها تحت مخدته أو عند كمبيوتره
جهزتي البانيو له بعد رجعته من العمل ووضعتي رسائل غرامية وكلام غزل في قوارير ووضعتيها في البانيو
تتصلي من العمل عليه وتسالين على حاله او حتى بس تقولين له أنك وحشتني
أذا كان عندك رسائل غرامية من أيام الخطوية بروزيها وعلقيها حول السرير.
وأن شاء الله تنجحين ويصير اللى في بالك

أختي ريما الجديدة السلام عليكم أنا شايف إنك مضخمت الأموراشوية احمدي الله على العافية وقدري وضع زوجك

شئ طبيعي جدا ..

اتركيه كل الرجال هيك مايحب مرته بتلزق له على طول ..
خفي شوي بتلقيه يلحق وراك ..

وإذا جاك عيال وانشغلتي فيهم بتلاقيه يجري وراك ويقول (أنا مشتاق موت)

وتذكري : الرجل كالظل إذا لحقتيه هرب منك ، وإّذا هربت لحقك ..

وبعدين ترى الرجال يحب يعيش خصوصياته ، أتركي له مساحة حرية واسعة يسوي فيها اللي يبغا..
وصدقيني مصيرة بيرجع لك..
لاتكبري السالفة ، طبيعي هيك كل الرجال ..

__________________
أحب جبالك يالجنوب وأحبك لأنك أنتي الجنوب