نعم جيده بل ممتازه ولكن انا مو مستفيده منها ..
تقصد انى راح اندم بالمستقبل ؟!

لا يعلم الغيب الا الله

ولكن قصدت إن لا سمح الله لم تجري الأمور كما خطتي لا تندمي ساعتها ، بل قولي قدر الله وما شاء فعل و ابحثي عن حلول بديله ساعتها.

و إن كتب الله لك التوفيق فالحمد لله من قبل ومن بعد

__________________
أنا جنتي وبستاني في صدري أين رحت فهي معي لا تفارقني إن حبسي خلوة وقتلي شهادة وإخراجي من بلدى سياحة
إبن تيمية

والله ياخى بكل صدق انى اخشى الندم واخشى فعلا انى ما اتوفق بعدها
سوا بوظيفه اخرى او بزواجي ..
واخشى ايضا من زعل الوالد لان يهمنى جدا علاقتي به ..
استخرت ومازلت استخير و يشهد الله انى كل ما استخرت اعزم على تركها
لكن تاتى اسباب وتعرقل تركها ..
اخر مره اليوم جيت برفع استقالتى و لم ترتفع تعطل النظام < نظام فارس
حاولت اكلم شوون الموظفين و لم يرد علي المدير ..!
وارى ان الايام تمضى وانا مازلت بالعمل والتدريس ..
وهذا حالي من سنة و الان بخلص السنه الثانيه و نفس الوضع ..
اصبر نفسي بانها خيره من الله ..
كل يوم اعزم انى ما راح اداوم اليوم اللى بعده < زي ماقال اخونا الرسمي
اتغيب حتى يتم فصلي ..
لكن اجد نفسي في الصباح اقوم واداوم ..

فضفضت ..

وفعلا لا يعلم الغيب الا الله ..
و اساله ان يختار لي الخيرة من امري ..

فيلكا
ذكرتيني بالمعلمات الي يقولون بتقاعد وهذي اخر سنه
وكل سنه يداومون ويقولون نفس هالكلام
المشكله انهم يستمرون سنوات وسنوات
لدرجه اننا ماعاد نصدقهم هههه

لا تحرجينى يا مبتعثه ^-^ حتى انا اقول لطالباتى ادعوا لى استقيل
واقولهم اخر سنه لى .. < والله ما اقولها الا تفاؤلاً مو قصد كذب عليهن ..
تصدقي عندى معلمه كانت من معلماتى اقدرها جدااا و احبها جداا
والان زميله لي ، وتقول لي يا فليكا وضعك طبيعي انا لى 28 سنه
ماخليت معروض مارفعته و لا شي ماسويته عشان استقيل او احول من التعليم
لكن ربي كاتب لى اكون معلمه وابقى معلمه .. وتقول لى كم مره اشتكوا عليها الطالبات
لان هى شديده مره ..وكم مره سوا لها تحقيق ، لكن قدر الله فوق كل شي ..
الله يجزاها خير كثيير تسلينى بكلامها ..

وتصدقي يامبتعثه حتى جامعة طيبه اللى اخذوا زميلاتى فيها ماستر ودكتوراه
لما جيت اقدم انا قالوا اغلقوا الماستر" بتخصص كنت ارغبه "
الان و مافيه الا بام القرى او جامعة الملك عبدالعزيز ..
مين يودينى انا هناك ؟!!

هذي مشكله التربيه
تحسيها سجن لادخلتي صعب تخرجي
ربك يسهلها
وانا حاسه انك معلمه كويسه
اذا تبين نصيحتي لا تعطينها اكبر من حجمها
اشرحي ووسعي صدرك وخلك مبتسمه والبسي واكشخي
واستانسي بالراتب واصرفين على جمالك وكشختك وتصدقي منه

الحمدلله قدر الله وماشاء فعل ..
فعلا التربيه مو هينه و غلطى من الاول بس قدر ..
واعرف ان كونى معلمه نعمة من الله وكثير بنات يتمنونها ويتمنون الوظيفه هذى
وليس كفران للنعمه لكن شي نفسي و خلاف شخصيتى ..
عملي بالمدرسه اقوم فيه و اشرح و اعطي حصصي لكن اعترف انه مو بشكل جيد
وبعد اغلط على بعض الطالبات مع انى اعرف الاسلوب التربوي اللى اسلكه معهم لكن مانفذ
هنا احس بتانيب الضمير ..
الحمدلله دايم و ابدا و الله يرزق جميع الخريجين/ ات ..

هذا انا داومت ^_^ ..
الله ييسر لنا ..