الله يكون فعونك يا اختي
ما دام اخوك معك لا تخافي سيخفف من وطأة الخبر عليهما ان شاء الله

جيد.

الله ييسر لج أمرج.

__________________


اللهم طِيبَ الأثر .. وحُسْنَ الرحيل.

ابوي وامي دروا اليوم بكل شي
قلت لهم كل اللي سواه من صغيره وكبيره
ماقد شفت دموع ابوي بحياتي الا اليوم
امي حبيبتي ماستحملت وانا اشوفها كذا
حضنتني حسستني بالامان اللي كنت فاقدتها
وللحين دموعها مستمره على خدهاوكل شوي تسألني وش يوجعك يابنتي مافي اعظم من حنان الام
ابوي اللي هو دنيتي كان يردد " يحرم عليه يشوف بنتي "
ماخجلت من اي شي حتى قدام اخوي تكلمت طلعت كل اللي بقلبي ماخليت شي
بس دموعهم امي وابوي واخوي كسروا قلبي
ماكان ودي اشوفهم بهالحالة خاصة امي وابوي
اخوي لامني كثير ليش خبيت عليه
اتصل على زوجي بنفس اللحظه وقال له من بكره بيروح يشتكي عليه
ابوي قال له لا تشتكي بس والله مايشوف بنتي ولا ترجع له دامني حي
وبيخليه ياخذ العياال عشان يحس بقيمتك
ترجيت ابوي ان مايوديهم قال لي كل اللي بسويه لمصلحتك
العياال بيجي ياخذهم بكره ولا بعدو
ماكنت ابيه يسوي كذا وماقدرت اترجاه اكثر بسبب ااحاله اللي فيه
يسكت شوي ويرجع يصرخ اه ياقلبي وين احنا بهذا كله وين كنا ليش ماحط اعتبار لنا ليه سوا هذا كله حسبي الله ونعم الوكيل
ولما هدا شوي قاال لي ليه سويتي كذا انتي غلطتي ليش سمحتي لنفسك تدخلي بهالمدخل
قلت له غلطت وتبت وماعاد اعيدها وقلت له على زوجي لما كان يعلق على البنات ويقول عادي فماتوقعت انه يعتبرها خييانه
مو مرتاحه باللي صار
ابي عيالي حواليني ليه ابوي اتخذ هالقرار وهو يدري اني متعلقه فيهم
يارب رحمتك الطف بحالي وحال امي وابوي ويسرها ولا تعسرها

لا تخافين يا أختي توكلي على الله
أهلك الآن في حالة صدمه ويتصرفون بعاطفتهم وهمهم الوحيد أنتي
هم فقط يحتاجون وقت عشان يستوعبون اللي صار
وشوفي انتي كم احتجتي من وقت حتى تصحي على نفسك وتطلعين من جحيم زوجك

فهم ما فكروا انك بتتعبين بفراق عيالك كل تفكيرهم كان حمايتك من زوجك ورد اعتبارك
كلمي أمك ان ما يدخلون عيالك بمشاكلك وهي بتفهمك وممكن تأثر على أبوك

صدقيني أختي مافيه أسوء من حفظ السر وخاصة لو كان مؤلم
الحين أنتِ تحررتي من آخر قيود زوجك بكشف كل شيء لأهلك
زوجك ما عاد يقدر يهددك بأحد الحين ،، وصحيح ان اهلك لاموك لكن يكفيك أنهم بصفك
والحمد لله على هذه النعمه

بكيتيني يا أرواااح
آه يا الأب
هذا الصح من بدا موضوعك اليوم صار الصح اليوم
شفتي الإنتفاضة اللي صارت هذا اللي المفروض يصير من أول لحظة بدت فيها وحشيتة !
ضاااقت فلما استحكمت حلقاتها !
اذا استحكمت المشكلة يعني أنها أوشكت يا أرواح أوشكت خلاص !!

خليه يستوعب فداحة أفعاله خليه الآن يشوف ان الدنيا كلها وقفت تصرخ في وجهه خليه يفهم ان كل العالم استحقرت خطأك جنب جرايمة !!
يا أرواااح أنا منقهره عليك جداً وأنا ما أعرفك كيف أهلك ؟
أكيد نارهم الآن في أوج حرارتها خليهم يهدون شوي وكلمي أبوك من جديد بكرة ..


الله يسخرهم لك ويفرج همك
بس وش ردة فعل زوجك لما كلموه يهاوشون ؟

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال

اقنعي ابوك عيالك مالهم دخل
اصلا هم بحضانتك ما يقدر ياخذهم حتى لو بغى
فماله داعي يرميهم خصوصا الصغار
اقنعيه لا تسكتين
عياله مالهم دخل بابوهم
والحمد لله امك وابوك في صفك
و الله ييسر لك ويصلح امرك

قلبي تقطع على أمك وأبوك ياأرواح حسبي الله ونعم الوكيل الله لايولي علينا ظالم .

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

حسبي الله ونعم الوكيل

يارب تعدي على خير
الله يجزاك خير

اخطئتي بالبدايه
واخطئتي بنهايه

الله يكون بعونك

__________________
أيّــــها الحـاملُ هـمــاً .. إن الـهم لا يدوم
مثـــلما تــفــنى السعـــادة .. هكذا تفنى الهموم

الوقعه على ابوي كانت أشد من امي لانه يعز زوجي وولد صاحبه وماتوقع يسوي كل هذا

اخوي لما كان يكلمه يقول له شلون اهدا وعلى شنو بنتفاهم
يعني كان يقوله خلينا نتفاهم
هو درى اني كلمت امي وابوي
اخوي قاله وشكله ماكان متوقع اني بقولهم
ابوي رجع يتصل عليه ومايرد اكثر من مره

لما سألت اخوي وش قال عصب علي وش تبين تعرفين ليه خبيتي علي وانا زي الاهبل اروح عنده واجلس معه ومادري على سواته اللي مايسويه المجنون