على كل الي سويته يجي واحد منكم ويقول عدم ردك يدل على انك بايع ؟
الي يرجع لردودي السابقة يعرف اني كنت المبادر لكل شي وهم الي يتهربو ابوها يتهرب من مكالمتي من بداية المشكلة ولمن وصلت له هاجمني وما ترك لي مجال اتفاهم معه ام هي في مكالمة تعيد نفس الكلام وتبكي وانا احبك واموت فيك طيب اثبتي كلامك
رجل غيري كان ممكن يشتري راسه ويطلق من بداية المشكلة ويشوف عمره
حاولت بكل الطرق استخدمت كل الوسائل اخر شي فكرت فيه اني اطلق حتى عندما طلقت ساءت نفسيتي بس ايش اسوي وصلت معهم لطريق مسدود
مشكلتي طيب طيب جدا ارضى بكلمة ولا ازكي نفسي وهم استغلو هذا الشي
احظرها وبعد ساعات افك الحظر اقول ممكن تتراجع ونرجع نفس الموال طيب الى متى
صبرت شهور كلمتها بالساعات قلت لها ان حركاتك هذه نهايتها ننفصل وهذا اخر شي افكر
اخبرها بمدى حبي لها واني انسان احفظ العشرة حتى يوم طلقتها قلت لها انه ما زال هنالك طريق للعودة
طمنتها كذا مرة انه اذا رجعت راح رجعت راح نفتح صفحة وبعتبر انها ما فعلت شي وذكرت هذا في ردود سابقة نذل انا بعد كل هذا ارجعها واخرب بعثتها وانكد عليها

اذا ايش الفائدة ارد عليهم الحين
عارفين وش ابغى عارفين سبب الطلاق عارفين الحل
اشوف الطلاق راح يخليها تراجع حساباتها وبناء على ذلك راح تقرر
ومثل ما قالت الفاضلة مهرة وش يضرها ترسل رسالة وتقول خلاص رجعني
اذا رديت عليها الان ما كاني سويت شي

اخوي كلامك صحيح
لو رديت عليها الان

ما كانك سويت شي
و هي عارفه انت ايش تبغى

و ابوها عارف نفسه انه في اخر مكالمه قالك تطلق بنته
و خليه يتأدب شوي

الله يرد لك زوجتك ردا جميلا..يا أخي الدنيا دار بلاء..أشوف الزوجة المتفانية الي تؤثر إسعاد زوجها وأسرتها على راحته تلقاه يكسر خاطرها بالزوجة الثانية ..وانت الي مو حاب تاخذ زوجة ثانية زوجتك تركتك..عسى الله يهديها ..والله قبل شوي دعيتلكم بالغيب عسى الله الكربم يفرج عنكم..لازم نعرف أن الله يبتلينا حتى يعلق قلوبنا به وحده تعالى وما نتعلق بالناس ﻷن الكل يخدلنا إلا ما رحم ربي

الله يردها لك
اللي حاصل ان أهلها ساندينها على هالشي
لكن لعلها تفوق بالطلقة

__________________
يا رب خاتمة حســنة ، وزلفى ، وحسن مآب ..

وفقك الله

اختيارك للطلاق هو القرار الصحيح.

__________________

اخوي بيض الله وجهك وماقصرت اللي سويته معها وحسن
عشرتك بزوجتك يأكد انك والنعم فيك
انت كنت واضح معها من البدايه ولا وقفت في طريق دراستها
هل هي اثناء العقد قالت ابي الدراسه برا وانت وافقت
هي شرطت دراستها وانت ماقصرت وافقت بس عندك
وبنفس المكان اللي انت عايش فيه لاكن انها تفرض عليك
تروح اخر الدنيا ياتلحقني او اعيش من دونك وتنتظرني
انا حرمه وماايدت القرار وشلون انت رجل وزوجتك
اعتب على ابوها قبلها اللي بيضيع حياة بنته من اجل دراسه
واعتب على البنت اللي فضلت الدراسه على زوجها
اختي تزوجت وهي ثالث رياضيات باقي سنه ورفض زوجها
انها تكمل وسافرت معه ياخذ الدكتورى ورجعت بعد ست
سنوات ومعها طفلين ولا كملت الى الان اشترت بيتها
وزوجها واطفالها ولان معها اربعه وزوجها ماقصر عليها
صحيح ان زعلن عليه كلنا في البدايه بس ماحرضنها ضده
وتركنا القرار لها والحمدالله ماندمت
اذا زوجتك شاريتك راح ترفض الطلاق وتتنازل عن البعثه
لعيونك وبنتها وبيتها اذا رفضت هي اللي اختارت وتتحمل
نتيجة اختيارها

السلام عليكم ورحمة الله وبركاته
للاسف لا جديد والله يعوضنا خير
مدري انتهت عدتها حاضت حيضتها الثالثة بتواصل معهم
وبالنسبة لحضانة البنت بسال شيخ فيها
واشكر جميع الاعضاء دعيت لكم اليوم في الحرم وجزاكم الله خير
والمعذرة تعبناكم معنا

ربي يعوضك خير.. ابد شوف حياتك وانسى الماضي.. انت رجل تزوجت عشان زوجتك تكون معك. مو عشان تبعد عنك وتروح غصب عنك..

عسى ربي يعوضك كل خير ....امين

__________________
أشهد أن لا إله إلا الله و أشهد أن محمدا رسول الله صلى الله عليه و سلم

الله المستعان
بصراحه رحمتها المسكينه
الغلط وكل الغلط منك انت كيف توافق من البدايه على سفرتها وتقول ابوها وأخوها ضغطوا علي
كيف ضغطوا عليك
المفروض موقفك تحدده من البدايه يا البعثه يا الطلاق
مو تخليها تروح وتوصل هناك وتقطع ولو شيء بسيط في الدراسه ثم تقول ياترجعين يا اطلقك
حطيتها بين أمرين احلاهما مر

ان شاء الله ربي يعوضها وييسر أمر دراستها ويعوّض البنيه الصغيره اللي مالها ذنب