المشاركة الأصلية كتبت بواسطة ملكة الآحساآآس

بدوامي لي صديقه حبيبة كما عهدتها
دخلت وسولفت معاي تعرف اني زعلانه من زوجي وقالت لي عندي لك رساله من فلان
يقول لك تطلقي من هذا وطبعا نعته بااسم سيء
وبيتزوجك وبيحطك بفله انتي اميرتها وخدامتين وسايق وولدك له مربيه وبيخليك اميرته
طبعا انا توقعتها تمززح وبعد الحديث ثار غضبي وكدنا نتشابك بالايدي
قلت هذا الي مو عاجبكم يسواكم كلكم وكل العالم تصير مشاكل بينهم
طلعت ابكي ابكي حسيت برحمة لزوجي
رجعت البيت وجلست ابكي لما راسلني زوجي راسلته وسهلت امور العوده
عدت له وانا كل مااتذكر كلامهم احترررق قلبي
ورجعت الدوام وهي تتحاشاني وانا احاول استفزها ابي اخذ حقي منهم
مالقيت نفسي الا بمكتبه
ورميت عليه الي عالطاولة قلت اذا رجال الحين تكلم قدام الناس انه تعرض الزواج ع متزوجة وام ولد
الي سمعني حاول يهديني
قلت شوف يارجال الي مو عاجبك مايلف على حريم الناس واعراضهم ويسعى بطلاقهم
طلعت الي بقلبي كلللله
مقهوووره كيف الناس تستغل اي وضع
وش صاير بالدنيا
صديقتي حذفتها من برامج التواصل وحظرتها وماارد سلامها ولا اسلم عليها
قلت لزوجي وخبرته وانا ابكي قلت ماادري ليش صار كذا معاي
قلت اذا انت سبق وخنت رجال بااعراضهم الله جالس ينتقم لهم بس انا فاهمه ومااحد يضحك علي

الى الان وهالموضوع متعبني نفسيا

المشاركة الأصلية كتبت بواسطة كوكتيل$

اخو صديقتك تكفيه منقصه انه يعرض الزواج على وحده متزوجه
والله تكفيه منقصه هذه النقطة وتنسف اعلى منصب يتقلده
ويطيحه من عين اي واحد لديه ذرة عقل

فخليك فطينه واحمي زوجك وعرضك من اشكاله اللي ما خاف الله بعرض اخوه المسلم
ما بيخاف الله فيك اذا صرتي بجيبه وتحت امره

وشوفي الفرق بين ردت فعلك وردت فعل ملكة الاحساس بنفس الموقف اللي انحطيتي فيه

المشاركة الأصلية كتبت بواسطة *سنديان*

الله يعوضه خير

و المصير عارفينه كلنا اللي رسمتيه انتي و ماشية له خطوة خطوة.
بلاش كلام قلبك يتقطع و الدراما هذه