الله يحميها ويشفيها
اساليها اذا تحلم احلام تخوف او كوابيس متستمره
اذا جاوبت نعم اطلبيها توصف اللي تشوفه ..
لان الاحلام والكوابيس المتكرره بالعاده تدل على تسلط او اذيه من الشيطان
خاصه انها كانت تجلس لوحدها وتلعب بشياء مخالفه .

نيسان مريت بفتره سيئة بسببها والشيخ انا اعرفه سبق وتعالجت عنده بس امي طلبت بعد الاختبارات
وقالت حاليا اكتفي بدعمها واكون جنبها وجابت مويه وزيت مقري فيها وصارت تعطيها
وامي اقترحت عليها تترك الاختبارات هالترم ورفضت اطلاقا قالت حتى لو مااحل المهم احضر واكتب الي اقدر
بالاجازه بيكون والدي مسافر حتى امي اعتذرت عن مرافقته بسبب اختي بس ماوضحت له

الله. يسلمك اختي الغاليه

ان شاء الله زين
ابد ماراح نخليها والله قلبي مقبوض عليها
مادري افكر فيها ولا بطفلي

بالعكس انا من رجعت من مدرستها رحت استشاري
ثم قلت لاامي لاني انا كمان صرت خايفه من الموضوع

بس ابوي كان صعب اعلمه لان ابوي راح ينصدم وبيتعب اعرفه
بينصدم شلون خطرت ع بالها هاللعبه وبيتعب من التفكير
مشاكل زوجي الاخيره احسها تعبت ابوي
خصوصا انه يشتكي من قلبه من فتره
ففكرت لمين اروح مالقيت الا امي والحمدلله ارتحت

شكرا حبيبتي دوندرومه وياك يارب

لا تقول تسمعهم بالغرفه معها بالليل خصوصا اذا قفلت الانوار
والي صعب نفسيتها
اختي الي اكبر منها طاح شعرها وصار وجهها كله حب شباب صغيير بالوجه
وصارت تخاف
فتقول هذا منهم
الله يعين ع الاقل الحمدلله قلت لاامي وراح تساعدنا
لان ولدي كمان تعبان وبيطول تعبه ومحتاجني بكل دقيقه

الله يشفي ولدك و يمتعه بالصحة و العافية و كل اهلك
اذا الوالد ربي يخليه لكم تعبان شوفي واحد من اخوانك
اللي تحسيه الاقرب لكم و خبريه
او عندنا مثلا في المصلى النساء فيه مرشدة دينية
اذا عندكم نفس الشئ روحي و خبريها و باذن الله تساعدكم

و الله يجيب ساعه الفرج قريب

الله يشافيها ويعافي قلبها
حبيبتي صغيرة على هذا لكن بتتشافى ان شاء الله مع الاذكار والمستشار

الله يقويكي ملكة ويعينكم انتي والوالدة

__________________

لازم تقوينها وتساعدينها على تخطي الخوف ..

اقنعيها انهم مخلوقات ضعيفةو لا يقدرون يسيطرون عليها .. والله سبحانه اقوى منهم وهو المتحكم والقادر على كل شي ...

علميها اننا الاولى نخاف من الله سبحانه وتعالى ونهابه اكثر من مخلوقات لا تهش ولا تنش
الله هو القادر على ان يقلب السماء والارض بلمحة بصر
قولي لها حبيبتي اذا الله سبحانه بقدرته وجبروته قادر على انه يزلزل الارض من تحتنا لو اراد
هؤلاء لا يستطيعون .. فلماذا لانخافه اكثر منهم ونعظمه
وبنفس الوقت الله ارحم بنا من امهاتنا يرحم ضعفنا ويجبر كسرنا ..
دعيها تتقوى بالله على ضعفها وبيني لها اهمية هذا الجانب من حياتها لانه هو الامان لها