الله اعلم ومشكور على ردك وجزاك الله خير

انا مااكره هذا الانسان لو سالتني قبل مااعرف انه تزوج حاقول عندي قبول له بنسبه 99٪ اما بعد ماعرفت انه تزوج كل شي تغير وماصار عندي مشاعر تجاهه بس مااكرهه انا ما فسخت الخطبه عشان اندم المشكله كانت عدة مشاكل وكبرت وصار اتمام الموضوع صعب جدا فقرروو الاهالي فسخ الخطبه لم يكن لا قراري ولا قراره

اذا انتي فعلا فعلا ماتبينه

كلمي احد كتوم تثقين فيه من اهلك يبعد عن طريقك

او كلمي احد من اهله وخلي هذا حل اخير.. والله فضيحته تصير بجلاجل

ما اعتقد في رجال محترم بيلحق حرمة ماتبيه لبلد ثاني

ولا اعتقد في امراة سوية تقبل ان زوجها يسويها بعد..

مدري يابرادا انسان مايدري وش يبي بالضبط

خطب وفل وتزوج ورجع يخطب.. بكرا يغير رايه ويرجع يخطب فوقك ولا يطلقك

مش محترم وتصرفاته مثل المراهقين المعذرة..

في نقطة ثانية مهمة.. لايكون اللي قاعد يصير انتقام من اهلك

هذا احتمال واحد بالمليون لكنه وارد

لانه مادق الباب كل شغله من تحت لتحت.. يعني عنده القدرة يسافر ويشد الرحال ولا عنده استعداد يدق تليفون على اهلك يطلبك؟!

__________________

اختلافي عنك لا يعني اختلافي معك

مشكورة على ردك وجزاك الله خير انا ودي اعرف ايش يبغى بالضبط للاسف اهلي مااقدر اكلمهم في موضوعه لانه حتصير مشاكل كبيره وانا ماابغى مشاكل واهله مستحيله

قد ياذيك وانتي لحالك بغربة

خل يعرف ان وراك رجال!!!!

تصير مشكلة كبيرة من اهلك احسن بمليون مرة انه يبلاك هو باي طريقة!

لو عرف انك دخلتي اهلك بيبان معدنه هل هو صادق او لا!

عموما انتي ماتبينه ولا تبين وضعه وش لك فيه تردين عليه؟!

__________________

اختلافي عنك لا يعني اختلافي معك

يعني فسخ الخطبه لا برضاه ولا رضاش بسبب ضغوط العائلتين

واضح انه تزوج وانتي بعدش في باله ويحاول يسترجعك

وانتي لا رغبة لك بالزواج منه

لذلك اختصري عليه المشوار واقطعي عليه اي تواصل الا اذا كان لديك الرغبه بالزواج منه

__________________
وهل من مصير اخر ؟

هو في الغالب اهلي معايا ماني لوحدي عشان كذا انشالله ماني شايله همه وفي الشارع مايقدر يسوي شي لانه قوانينهم صارمه في التحرش بالنساء فيها سجن وغرامات وطرد من البلد حتى لو باللفظ بس وانا حاهمل رسايله واشوف ايش يسير وحتى لواسوي بلوك يجيب رقم ثاني ومن وين حيجيب سكني لو ما قلتله عليه والعماره الحمد لله فيها امن وكاميرات في كل مكان حتى لو قدر يجيبه مايسمحله الامن يدخل مع الباب الا باخذ كامل المعلومات من هو وجاي لمين وفي اي دور وفي اي شقه ويسجلها وهو حسب معرفتي فيه شخصيته ضعيفه حيخاف من المشاكل

مشكور على اهتمامك

حاولي تبعدينه عن ذهنك تماماً ..
عشان لاتتعلقين به لاشعورياً..
ترى طبع الرجال يلحقون البنت لكن إذا تزوجها صارت عادي عنده
فيمكن يعجبك شعور ملاحقته لك .. وهذا شي طبيعي
لكن اقنعي نفسك أنه لايصلح لك ، غير أنه متزوج وفيه مشاكل بين الأسرتين
لذلك اقطعي أي تواصل ولو بسيط حتى لايتطور لمشاعر تتخذين عليها قرارات وتوافقين مثلا تتزوجينه
وتندمين بعدين ..

مشكوره اختي على ردك فعلا كلامك سليم فيه عده حواجز متزوج بالاضافه للمشاكل بين اهلي واهله يعني اكثر من عائق قرار الارتباط صعب جدا